السلام عليكم ياحلوات
كيفكم ياقماري
بسم الله ماشاءالله تبارك الله
وأستغفر الله العظيم عدد ماكان وعدد مايكون وعدد الحركات والسكون
والله وحشتوني مررررررررررررررررررررررررره
أقولكم ترى هذي المره جايبتلكم وافل يجنننننننننننننننننننننننننن ومقرمش وخلطتي الخاصة
وأنا أسويه يا بآلة الوافل أو على الطاوة
وكلهم يطلعوا يجننننننننننننننننننننننوووووووووووو....
هذي صورته وإنتو أحكموا...
والحلو في مقاديري إنك تقدري تتحكمي فيها ...
إذا تبغي تخليها وافل تخليها ثقيلة وبالمقادير إللي أعطيك هيه
وإذا تبغيها على بان كيك..بس بان كيك معتبر فاخر..تكثري الحليب شويه عشان تصير أخف ..وبالتالي الكمية راح تكون أكثر..
يعني مقاديري مرنة ومع الوقت راح تتحكمي فيها أكثر وتوزنيها أكثر ..
المقادير
المهم ياحلوات
المقادار يعمل تقريبا 4 أو 5 حبات من حجم الوافل إللي بالصور...
أو فطيرتين كبيرة أو 3 فطائر متوسطة بان كيك....
طبعا ممكن تطلع لك الكمية أكثر إذا خففتي البان كيك...يعني وإنتي تحطيه في الطاوة ...
أنا عن نفسي أحبه متين شوي عشان كذه المقدار يسوي فطيرتين كبار أو 3 متوسطة
بس إذا تحبيه خفيف شوي راح يسويلك المقدار هذا أكثر من فطيرة بان كيك..
وفي يدك إنتي تتحكمي فيهم...
خلونا نخش ع المقادير
المقادير الجافة
نصف كوب دقيق
ملعقة ونص كبيرة سكر
نصف ملعقة شاي بيكربونات الصوديوم((بس لاتكثري عشان لاتعطي مرارة ..هي بس عشان تعطي قرمشة للوافل وهشاشة))وهذي صورتها للي مايعرفها
ملعقة حلى مليانة بيكنج بودر
ربع ملعقة شاي ملح
المقادير السائلة
ثلث كوب حليب((للوافل))
أو
نصف أو أكثر بقليل كوب حليب ((للبان كيك))
حبية بيضة
ملعقتين كبيرة زيت
الطريقة
نخلط أولا المقادير الجافة لوحدها
ونخلط السائلة لوحدها
وبعد كذه نبدأ نضيف السائلة بالتدريج على الجافة ونمزجها بالمضرب اليدوي..
لين تنخلط مزبووووووووووووط..
ونتركها 10 دقايق عشان يرتاح الخليط وتتفتح حبيبات الدقيق وتمتزج مع الخليط..
وإذا تحبي تشتغلي عليها على طول مافي مشكلة ..أنا لما أكون مستعجلة على طول أشتغل فيها
بس مع التجربة لقيت إن الإنتظار 10 دقايق. أفضل وألذ...
للوافل
((تسخني الآلة وبعد كذه تصبي فيها الخليط في النص ..وتقفليها وتتركيها تقريبا 5 دقائق أوأكثر على حسب آلتك وحرارتها...أو لين تحسيها بدأت تحمر وصارت مقرمشة ...
للبان كيك
((تسخني الطاوة وتصبي فيها الخليط وتخليه على نار هادئة حتى ينتفخ شوية وتبدأ تطلع فيه فقاقيع أو إذا إحمرت ...بعد كذه إقلبيها على الوجه الثاني وإنتظريها حتى تحمر...((ممكن من ساعه ماتصبيها تضيفي لها شرائح من الشوكولاتة أو الشوكليت شيبز..))