تكلم فيهآ عن حآفز اللي خيّب آمآل الكثيييير =(
..
شعبِك شكآلك يَ ملك عبدالله
وعلّق عليك آخر حبآل آمآله
عقب الهميل اللي سحابك هلّه
دآرت على شعبِك بشر حيّآله =(
حلم وأصبح علّه
حتى الضعيف المستحق مآ ناله
حطوآ شروطٍ مستحيله كله
كن الوزاره تدفعه من ماله
ممنوع من يرفض عمل به ذلّه
وممنوع من بإسمه لقوا شغاله
واللّي كبير بعمره ومحدن له
لا يحلم إن حافز يروف بحاله
واللي شهاداته شكت من قله
له ثلث .. والثلثين مايهناله
ومن ماحضر له دورةٍ تعمله
يخصم عليه ولاتهم أحواله
وإليآ توظفت وخذيت الغلّه
لاتحسب إن حافز نساك وداله
لابد مآتدفع له وتجزله
من دون مايشكاله ويحكاله
كل شرط صعب للبشر يعمله
ويحاسبون المستحق برياله
الحمد للّي نشكره ونجله
بيديه رزق الارمله وعياله
يوم الدول من حولنا محتله
والنااس فيها رجلي وخياله
نآقف عشان المملكه جندٍ له
ومن دون كل حدودها حنا له
بقيادة اللي كلنا في ظله
الحاكم اللي دآيمٍ يدعاله
الله يطول عمره ويمهل له
ويبقى لنا في حله وترحاله
اللي غيومه بالبلد مهتله
والشعب علق فيه كل آماله
ويدوم عزك يَ ملك عبدالله
وتفك شعبك من بشر حياله
..