الله يرزقك الذريه الصالحه وعليك بالدعاء واخلطي طلع النخيل مع عسل سدر وملعقه صباحا على الريق وملعقه قبل النوم لك ولزوجك ولاينسى المكسرات من غير تحميص من كاجو وفستق ولوز وغيرها ولاتنسينا من دعائك

هلابكم حتى انا عندي مشكله انا لي فتره متزوجه ولسى ماحملت
وزوجي مو راضي اروح للمستشفى وربي كل ماجتني الدوره ابكي ودي احمل
ودي احس بالامومه حتى من صغري وانا احب الاطفال وكنت محرومه من الاخوان
وكان عندي امل اني اذا كبرت وتزوجة ربي بيرزقني الذريه اللي تعوضني هالشيء

بس للاسف لحد الحين ماصار حمل
كل اللي تزوجوا بعدي حملوا مو عارفه لمنو اتكلم ولا لمنو اشكي والدتي توفت قبل زواجي بسبع شهور
وانا وحيده احيانا اتضايق من شيء شخصي ومحرج من زوجي مو عارفه لمنو اسال ولا لمنو استشير
وربي متضايقه حيل
لا وتزوجت وبعدت عن ابوي لاني سكنت بعيد عنه والدي بجده وانا بالرياض..

الله يرزقكم الذريه الصالحه تكفون علموني وش اسوي ابي اطق من الهم ....

اختي بنت الرياض لازم تجلسين مع زوجك جلسه مصارحة وتفهمينه ان لازم تسون فحوصات عشان تعرفون ايش السبب..
عطيه فكره عن الفحوصات وايش ممكن الاسباب التي تاخر الحمل ..
الفحوصات في البدايه سهله انتي تسوين تحليل هرمونات واشعه للرحم والتبويض..
وهو يسوي تحليل للسائل المنوي ..وان شاء الله تكونون سليمين

يا رب يا كريم يا وهاب أرزق أختي الذرية الصالحة عاجلاً غير آجل و كل من يتمنى......

الله يرزقك يارب ويفرح قلبك ويعوضك خيرا