خواتي ما تلاحظون كثرت محلات المجوهرات والماس بشكل عجيب صار كل شارع وكل مجمع فيه محل الماس
الحين يا خبيرات معقوووله كالمحلات ألماس حقيقي ؟؟
مره دخلت على واحد منهم سألته عن حلق وقلت له : لو طاح مني فص وش اسوي ؟؟
قالي : عادي تعالي عندنا واركب لك زايه .
انا استغربت وسألته لتأكد: قلت بتركبون ماس - بدل الماس إلي طاح ..قال نعم ماس بدل الماس الطايح .
هذا الموقف خلاني اغسل يدي من محلات المجوهرات الموجوده ومتوجسه منهم يبعون لنا اشباه الماس و واحيانا زركون مصنفر بزياده على انه ماس - واحنا نشتري
من غير خبره ولا علم :44:
فا ايش رايكم بهالموضوع؟؟
وياليت الاخوات ما يذكرو اسماء وإلي مررره خاطرها تكتب اسم محل .. نتراسل به على الخاص لتناصح بينا
×××××
في انتظار ردودكم
تحياتي
صحيح كلامك كثرت محلات الألماس
وهذا طبيعي .. لأن الألماس مو نوع واحد .. انواع كثيره ومنها الغالي ومنها الرخيص
مثلا احيان تلاقين طقم الماس بـ مليونين وتلاقين طقم ثاني بمية الف وتقريباً نفس الحجم
هذا يعني ان الالماس درجات منه الغالي والرخيص
وتقدرين تسألين اصحاب المحلات عن هذا الشي
بس في الأخير يجي شكله واحد ويعطي لمعه فضيعه وطبعاً اللي يجي فيه احجار كريمه يرتفع سعره اكثر
يعني لاتستغربين اذا قالك نركب لك فص الماس بدل اللي فقدتيه لانك راح تدفعي حقه ماراح يركبه لك ببلاش
ولو تلاحظين الماركات يبيعون قطعهم مره غااااليه مثلا يطلعلك الخاتم بـ عشرين الف
وانتي ودك فيه بس قيمته غاليه .. وش تسوين .. تاخذين الصوره وتروحين محل مجوهرات يسويلك نفس الديزاين بـ 2000 ريال
وبكذا وفرتي 18 الف ..
فـ طبيعي جداً ان المحلات تكثر وتتنافس بعد
وسلامتك : )