ألم أسفل بطني ...

السلام عليكم ورحمة الله ... كيفكم خواتي إن شاء الله تكونو بخير ...
أنا اليوم دخلت الأسبوع ال17 وحسيت بحركة الجنين ثلاث مرات أول مرة نهاية الأسبوع ال14 وثاني مرة في الأسبوع ال15 وآخر مرة في الأسبوع ال16 .. ثالث العيد آخر حركة كانت واضحة ومحسوسة ...
من أمس بحس بألم أسفل بطني من اليمين مع ألم أسفل ظهري كمان من جهة اليمين ... وماعاد حسيت بحركة البيبي زي ماقلتلكم من ثالث العيد ... وكمان من أمس أحس جزء من بطني متحجر جهة اليمين هوا هدا البيبي ولا إيش ...
أبغاكم تقولولي هذي الأعراض طبيعية ولا في منها خوف وأحتاج مراجعة الدكتورة لأن أول مرة أحس بذي الآلام ... لأن أنا بكرية وماعندي خبرة صراحة...
الله يخليكم ردو بسرعة ولا تتأخرو علي ... أنا في انتظاركم ..