vip_sa :

أحسك متوترة ياخيتي ، استودعي الله نفسك وجنينك وحاولي ترتاحين وانسدحي وارفعي رجولك على مركه وباذن الله تدخلين تاسعك وتولدين بالسلامة ولادة سهلة وتجيبين طفل حسن الخلق والأخلاق ويقر الله عيونك بصلاحه وعافيته . ياشيخه انت روح بداخلك روح اكيد بيجيك تعب واجهاد سواء كان عندك التهاب أو ماعندك ، احنا ماندري وش السبب اللي متعبك الحين لكن اللي نعرفه كلنا إن الحمل متعب ويجي لكل حامل تعب واجهاد مختلف فالبعض تجيهم شوي مفوص بالأشهر الاخيرة والبعض توجعهم ظهورهم والبعض ترتفع عندهم حموضة المعدة ويحسون كأنه ببطونهم نار ، والبعض ترتفع عليهم الاملاح وتنتفخ رجولهم والبعض يرتفع عندهم الضغط والسكر والبعض ياخذون مسيلات دم والبعض ياخذون مثبتات والبعض ياخذون ابر حديد وفيتامينات ….الخ . هو كذا الحمل ياخيتي لكل الحريم فلو كان التهاب اطلبي مضاد وتنقعي بمويه وملح ولو كان مو التهاب الزمي الراحة وكثري شرب مويه وطمنينا عنك على طول الله يسعدك ، دعواتنا لك

أحسك متوترة ياخيتي ، استودعي الله نفسك وجنينك وحاولي ترتاحين وانسدحي وارفعي رجولك على مركه وباذن...

vip_sa :

باذن الله بتقومين بالسلامة ، دايم ياخيتي نتفاءل خير ونشيل كل فال شين من راسنا لأن الله عند ظن عباده ، أنا متفاءلة لك خير باذن الله ، وبعدين تعالي أنت عمرك شفت وحدة كل ولاداتها نفس الشي ، أمك وخالاتك وجدتاتك كلهم يولدون نفس الشي ؟؟ ياشيخه هي من الله تجي مختلفة كل حمله ، انسي حملك وولادتك الماضية لأن مالها دخل بحملتك هذي فكل حمله تختلف عن الثانية تأكدي من هالشي . ياشيخه فيه حملة تجيبين بنت وحملة تجيبين ولد وحملة تجيبين ابيض وحملة تجيبين اسمر وحملة تولدين بدقايق وحملة بساعات وحملة بأيام وحملة وطبيعي وحملة قيصري ، هذي كلها ارزاق وأقدار محد يقدر يربط قدرك بحملتك هذي بقدرك الماضي لأن كل حملة مختلفة ياخيتي فتطمني وتفاءلي خير واستبشري ان مايجي من ربك الا الخير والأمر سهل لو شفتيه سهل وبيكون صعب لو تخيلتيه صعب ، فاحنا مثل مانتخيل الشي نعيشه ، والحمد لله على نعمة الحمل والانجاب مهما كانت صعوبتها ومشقتها .. ♥️فانبسطي واسفهلي وباذن الله تبشرينا وكلنا نفرح معك 👌🏻 ابيك دايم مبسوطة ومسفهلة ومتفاءلة خير ومابي اي خوف منك او فال شين ، (قولي خير يقوله الله) .

باذن الله بتقومين بالسلامة ، دايم ياخيتي نتفاءل خير ونشيل كل فال شين من راسنا لأن الله عند ظن...