يارب يكون الجميع بصحه وعافيه ..انا بصراحه ابغى ذوات الخبره يفيدوني لانه بصراحه تعبت انا بعد الحادث الي صار لي اخذوا اشعه على ركبتي كانت توجعني وعلى كل جسمي بس قالوا سليمه مافيك شي بس رضوض خفيفه الحين صار عالحادث تقريبا اسبوع وزياده او اسبوعين وركبتي صحيح في البدايه كانت متورمه من الضربه بس اخذت مسكنات وكريم للكدمات والرضوض ولله الحمد من استعملته خف التورم بس المشكله الي متعبتني هي الالم في الركبه يادوب امشي على رجلي وماضغط عليها بقوه توجعني الركبه ماقدر اثنيها ومسكنات ماعادت تنفع توجعني :06: خصوصا باليل اموت منها ابغى حل الي عندها خبره اعشاب طب عرب او اي شي تعرفه تفيدني والله يوفق الي تفيدني ويرزقها من حيث لا تحتسب ويحقق لها كل الي في بالها اللهم امين يارب العالمين ...:(
أسمعي .. دام المستشفى فحصك وقال رضوض خفيفة .. الحمد لله تراها نعمة من الله .. الركبة مرة حساسة ..
وتبطي ما تجبر .. خصوصا في الشتاء ..
ووجع الليل اللي يجيك ترى هذا معناها أنها قاعدة تجبر فتحملي وأصبري الله يعينك ..
لكن عليك الآن بالمسكنات أسبوعين ما هي كثيرة .. وإذا عندك المسكن مع المضاد أفضل بعد ..
واللي أعرفه يفيد التجبير الماش .. يوخذ ملعقة على الريق ويساعد بإذن الله ..
لكني ما أنصحك تاخذين وصفات من هنا .. روحي لمعالجة شعبية تفيدك أكثر ..
الله يقومك بالعافية والسلامة .. ودفع الله ما كان أعظم والحمد لله على سلامتك مرة ثانية ..