ألم في فروة الراس

السلام عليكم
ادري هذا القسم مو مناسب للموضوع بس بغيت يشوفو الموضوع اكبر عدد اتمنى من المشرفات يخلوه فترة بس لين القى حل


اكيد بعضكم مرت عليه مشكلة الم فروة الراس ,, الم مثل الكدمة بقمة راسي وصاير التساقط فيها بشكل فظيع لين خف الشعر بهالمنطقه كثير
هالمشكلة اعاني منها من كم سنة ولفيت المستشفيات مالقيت عندهم حل الكل ماعنده سالفة وكل دكتورة تألف علاج من راسها وتسحب مني ذاك المبلغ
لين الاسبوع اللي فات قالت لي الدكتورة هذي اكزيما دهنية ؟!

قرأت عن هالاحتمال قبل م تقوله لي الدكتورة بس ماحس فيني نفس الاعراض ف استبعدته
لما بحثت بالنت لقيت صور تخوف والاعراض ابدا مو فيني ,, اعراضها احمرار بالجلد وقشور وحكة
انا الحمدلله مافيني كل ذا فروة راسي جداً طبيعيه ومع هذا صرفتلي حبوب ومراهم وبخاخ وشامبو واستخدمتهم كلهم وماشفت نتيجة
بالنهاية تقولي اشربي حبتين فيفادول يوميا لمدة اسبوع نجرب يمكن الالم يروح ولا نشوفلك دكتور اعصاب ؟!

ماتعرفون دكتور جلدية كويس للشعر بالدمام او الخبر او دكتور مخ واعصاب ممكن يحل مشكلتي ؟
حاليا حجزت موعد بالمانع دكتور مخ واعصاب باكستاني بس مدري عن كفائته ولا سمعت عنه قبل