الحياة حلوة جدا81 :

والله انا ماني شايفة ان الزوجة طلباتها كثير بالعكس بالذات في بداية زواجها اللي اعرفهن يصبرون ومايطلبون ولا شي لانهم مقدرين وضعه بعد مصاريف الزواج ، وبالنسبة لصديقتك او قريبتك من حقها تزعل ياعمري بس مولدرجة تترك البنت يعني زعل عالخفيف ، وانا سمعت الشيخ بنفسي يقول عيب المرا يوم ولادتها الرجال مايجيبلها هدية ، ماقلنا شي مكلف ولو بوكيه ورد ليش مستكثرين علينا ، نطبخ ونكنس ونحمل 9شهور كلها قرف وتعب ومرض ونربي الاطفال ونصبر على اخطاء ازواجنا ونتحملهم ومانسمع كلمة حلوة منهم الا كل وين وين ،مستكثرة انهم يجيبون هدية بسيطة بعد الولادة!!!! ياشيخة احنا نشوف الموت بعيوننا وقت نولد وكله لوجه الله بس كلمة الحمد لله على سلامتك وهدية بسيطة مومكلفة والله انها تنحفر بقلوبنا طول العمر ماننساها وتخلينا نحس انهم يحسون فينا ، ماادري ليش احسكم دايما تظلموننا اللي يسمعكم يقول فعلا احنا طماعات ، والله انا بالسنة مانشوف هدية ونسكت ومانشكي لحدا بس في النهاية احنا بشر ياعالم !!

والله انا ماني شايفة ان الزوجة طلباتها كثير بالعكس بالذات في بداية زواجها اللي اعرفهن يصبرون...

*شادن* :

ماتلاحظين انك متناقضة ؟ وتقولين مالا تفعلين ؟ او اذا افترضنا انك سويتي , فمعناته الموضوع اعظم يعني تقولين مالم تستطيعي ان تفعلينه ؟ هنا تقولين صحيح إني أتمنى إن زوجي يهدي علي ويسفرني ونتمشى بس أكون منصفة مع نفسي إذا جت من طيب نفس وإلا بلاش أيش هذي الهدية اللي تخرب مزاجي ومزاجة بس عشان أقول للحريم زوجي شرالي ! وهنا تقولين نا ولحمد له أنا وزوجي حياتنا جميلة ولا عمره هداني لا في ملكة ، ولا زواج ، ولا حتى يوم التفوق ، ولا في أشياء أخرى بلاش أقولها خاصة ولا سافرت شهر عسل ، ولا سوا لي حفلة ، ولا ................... بعدين قلتي وعلى أية حال يمكنك بدهاء النساء تملكي قلب زوجك وما في جيبة لكن بحسن تصرفك ، وقلة تشيكيك طيب ماشوفك صرتي ذكية وقدرتي تملكين قلب زوجك بحسن تصرفك ؟ وتخلينه يهديك ويسويلك ويحطلك؟ هذا وانتي العاقلة الحبيبة اللي جاية تنزل مواضيع هنا وتنصح؟ افا ؟ فشلتي في شيء قاعدة تنصحينا به؟ هذا شيء الشيء الثاني بسالك , انتي اذا حبيتي زوجك ماتحسين انك تبدعين له في كل شيء؟ وتتفننين مثلاُ تحاولين ترضينه بالطبخ , باللبس , بالاناقة , بالجنس , والعكس بالعكس اذا نفرتي من زوجك , او ماحبيتيه , تقدمين هالاشياء لتمشية الحياة وبس, بدون قلب ولا حب ولا ابداع الرجل نفس الفكرة , اذا احب زوجته دور على وش اللي يسعدها , ويرضيها , وحتى لو كان مايعرف يتعلم عشانها مافي رجال مايعرف ياعمري , الدنيا تغيرت الحين انتي ذكرتيني باللي تقول الرجال مايعرفون يتكلموون كلام حلو ورومنسي لانهم سعوديين ومن بيئة خشنة و...و... وبكرى انصدمت في زوجها يوم سمعته يغازل , اللللللله على الكلام الحلو , والرسائل الرومنسية اللي تعور القلب , طيب وين اللي مايعرف يقول كلام حلو؟ اشوف طلع الكلام الحلو؟ اذكر وحده منزلة موضوع ان زوجها بخيل معها وقعيطي و.... وفي يوم من الايام قدرت تتواصل معه من خلال الايميل على انها بنت وبتتعرف الحاصل انها انصدمت من زوجها , ومن حجم الهدايا والرسايل والبطايق اللي كان يرسلها لها تدرين ليش حبيبتي , لان الرجال مايحب المرة السهلة , ولا ترضيه المرة الخانعة ولان المواضيع اللي زي مواضيعك هي اللي خلت رجالنا يستهينون فينا , ويشوفون الهدايا و...اشياء مكلمة وماله داعي ومهب لازم لو كل حرمة طالبت رجلها بهالشيء , وربت عيالها على هالشيء كان تغير الموضوع , اللي يحب زوجته لازم يقدرها وعلى فكرة الرجال تحديداً ترى ماتتأكدين من حبة الا اذا قدملك اشياء عملية تثبت هذا الحب , لان الرجل بطبيعته عملي , حتى لو غفل عن النواحي الرومنسية من كلام حلو وغيره يقدملك حبة بطريقة عملية من خلال هدايا , او مصروف جيب محترم , او ...او.....

ماتلاحظين انك متناقضة ؟ وتقولين مالا تفعلين ؟ او اذا افترضنا انك سويتي , فمعناته الموضوع اعظم...