ألى عواطف التركي 🌷

اهلاً وسهلاً يسعد ايامك بكل خير ❤️
جوابي ..


- هل تخافين من المستقبل ؟
كنت سابقاً اخاف لكن حالياً الحمدلله اقدر اقول اني تجاوزت اغلب هذي المخاوف
وما اكذب عليك انه بشكل نادر ممكن تجيني بعض افكار المخاوف عن المستقبل وظروفه لكن اتجاوزها وارجع اركز على حالة " هنا والآن " وارجع نفسي لعيش اللحظة الحاليه لانها هي الحقيقه اما الافكار هي الوهم .


- ما هدفك بالحياه ؟
يمكن تستغربين اذا قلت لك ماعندي هدف واضح امشي عليه في حياتي ويمكن احس انه مالازم يكون عندي هدف معين واضح لحياتي ويمكن انا اعيش واتصرف بعقلي وقلبي بناء على الظروف ومجريات الواقع وما يحمله القدر لي لاني اكثر شخص يعرف ويؤمن وموقن ان القدر له كلمته الحاده النافذه القويه اللي تكسر وتغير كل المخططات والاهداف وهذا الشي عشته في حياتي سواء علمياً او عملياً او اجتماعياً وعائلياً القدر كان له كلمته عدة مرات اللي انجبرت ارضخ له ثم تعلمت اقبل به واشوف جوانب اللطف والخير فيه .


- نصيحه توجهينها للأمهات ؟
أيتها الأم الفاضله حبي بنتك وافتحي اذنك لها واسمعي لها وافهمي اللي في خاطرها وانزلي لمستوى تفكيرها ولمستوى خبرتها وتجربتها القليله جداً بالحياة وبناء عليه عامليها وكوني لها المرشد الموجه المحب الرحيم لا تكونين الجلاد الوحش الكاسر اللي ينتظر الزله عشان يعاقب ويعنف ويحرم إلى ان تختنق البنت وتضيع منك ويصير خوفها اعلى من أي شي ثاني لدرجة انها تصنع لها عالم مختلف وبعيد عنكم ما تعرفونه من شدة الجفاء والبعد بينكم ..
في هذي الحاله لا تلومون غير انفسكم اذا البنت احتضنها الغريب وفتح لها أذنه وقلبه واعطاها من الاهتمام واللطف ومعسول الكلام اللي يخليها تنعمي وتغرق وتروح لطريق مظلم ما تقدر تشوف نهايته وتضطر تخوض معاركها المؤلمة بصمت .
ازرعوا اللي يسركم حصاده .


شكراً لك جميلتنا الارستقراطيه على الاسئله الاجمل ربي يسعدك ، وصباحك خير ورضى ونعيم من رب العالمين ❤️❤️

رفع للفائده🌷