اليوم يبت لكم حلى انه سميته حلى قراطيس بالكريما و الفراولة و اتمنى يعجبكم و اتمنى اجوف ردود حلوة مثلكم يله ما اطول عليكم
المقادير : (تقدرين تغيرين و تشيلين و تحطين على كيفج في حشوة الكريما و المقدار بعد على كيفج على العدد ألي انتي تبين تسوينه )
عجينة جلاش او كلاج او عجينة بقلاوة
كريما سائل مع شويه سكر او دريم ويب
حليب سائل او حليب محلى
قيمر (قشطه)
جبن كريمي او كيري
تقدرين تحطين 2م ك كاكاو بودر إذا تحبين او روح او نكهة الفراولة او لون احمر على حسب رغبتج
زبده اوسمنه ذائبه
للزينه:فراولة مقطعه مكعبات صغيره و شويه سكر و 1م ص عصير ليمون و 1م ص خل بلسامك (بس انه ماحطيت)
الطريقه:
اول شي تسوين الكريما و تخفقين المقادير في خلاط الكيك على حسب ألي انتي اخترتيه في مقادير الكريما و تخلينه في الثلاجه عشان تتماسك معاج الكريما لازم تكون متماسكه عشان بعدين تحطينه في كيس حلواني او قمع و تحشين قوالب الجلاش .
و حطي في وعاء اخر الفراوله و السكر و عصير الليمون و قلبيه بالملعقه و خليه في حرارة الغرفه عشان الفراولة تطلع عصير او سائل و هاي السائل او العصير يعطي الفراولة لمعه و طعم حلو .
عشان تسوين قوالب الجلاش لازم اول شي تقطعين الورق مربعات على حسب حجم القالب الكب كيك ألي عندج تاخذين ورقه وحده من عجينه الجلاش و تكون على شكل مربع مثل ما قلت و تمسحين عليها بالفرشاة بالزبده و تحطين عليها ورقه ثانيه من عجينة الجلاش و جذي بتصير عندج طبقتين من الورق و لازم كل الورق نفس الحجم عشان بعدين يطلع شكل النهائي مرتب انزين و الحين انيي حق الشغل العدل تاخذين كل و ورقتين ألي بينهم زبده و تحطينها في قالب كب كيك و تضغطين عليها في القاع و الجوانب عشان تاخذ شكل القالب )ان شاء الله فهمتو علي لاني ما اعرف افهم عدل :35:و من الحين اقول لكم أي استفسار انه في الخدمه:biggrin:) انزين نرجع حق محور حديثنا و عقب ما تسوين كل الكميه ألي انتي تبينها تدخلين القالب الكب كيك في الفرن في درجه180 و تخلينه لين ما يصير الورق يابس و يتحمر اشوي مو وايد و بعدين تطلعينه من الفرن و تخلينه في حرارة الغرفه عشان بيرد تماما لازم يبرد لانه إذا حطيتي الكريما فيها و اهيا حارة بتسيح الكريما انزين عقب ما تبرد القوالب الجلاش تحطين الكريما في كيس حلواني او قمع و تحشين القوالب و بعدين تزينينها بالفراولة و تدخلينها الثلاجة حتى وقت التقديم .
ملاحظة: تقدرين تحطين ايس كريم بدل الكريما و تقدرين بعد تحطين رمان بدل الفراولة
:44:سامحوني ماصورت الخطوات لاني انه مسويه هاي الحلى من زمان واتمنى يعجبكم و اتمنى انكم فهمتو واي استفسار انه في الخدمه يله انطر ردودكم