عشرين سنه متزوجه مازلت في بيت أجار

نفس الحاله أجااار الله يرزقنا

السلام عليكم


اكثر الناس ساكنه بالايجار
حتى اللي رواتبها عاليه وانا منهم


انا راتبي عالي لكني مشغوله وكذلك صرفت الكثير على تربية اولادي ومصاريفهم ودراستهم
وكل ما اجي باشتري بيت ما الاقي احديساعدني

ولا فكرت ابدا اشتري شقه لاني مش مقتنعه بهالموضوع
اذا باشتري بيت معناه لازم اخذ قرض من البنك ويخصمون مبلغ وقدره وما ادري لكم سنه
وافرضوا باني صار لي شي ولاا صبحت عاجزه عن العمل
من بيسدد الاقساط؟؟
اورط عيالي


قبل سنتين تحسنت ظروفي وخفت التزامات عيالي
الى ان قبل فتره شخص اقنعني بشراء شقه بسعر 450 الف ريال وانا عندي المبلغ وكنت ناويه احطه مقدم لشراء بيت وادفع الباقي اقساط

سالت بنتي هل افضل اشتري بيت ومعناه بيخصمون حوالي نص راتبي
وانا معظم السنه مسافره عند بناتي


ولا اشتري شقه كاش؟؟
طعا بنتي تدرس ماليه ولذلك رايها يهمني
قالت لي الافضل شقه لانه الشقه تدويرها اسهل
يعني اذا ما حبيتي تسكني فيها بتاجرينها بسهوله


وفعلا اشتريت شقه وابدا مش ندمانه على هذا القرار


العماره اللي شريت فيها كل جاراتي السعوديات اشتروا شققهم بالتقسيط على البنك
يعني وحده من جاراتي زوجها موظف وراتبه كويس
لكنه حق سفرات وما فيه امل بانهم يمتلكون ارض

اشتروا الشقه تقسيط لمدة 20 سنه
واذا حسبناها فانهم بيدفعون الشقه اللي قمتا 450 الف ريال بيخصم البنك 720الف ريال

طيب الكثير بيقولون بانه البنك اخذ السعر مضاعف

صح لكن انتوا احسبوها
هي لو سكنت في هالشقه لمدة 20 سنه وتدفع ايجار اقل شي 25 الف ريال فمعناه بتدفع 500 الف ريال غير قابله للاسترجاع


لكن هي لو بعد 15 سنه تغيرت ظروفها وولدها اصبح موظف يقدر يساعد ابوه ويشترون بيت والشقه اما تاجرها وتصبح مصدر دخل ثابت او تبيعها وتضيفها لقيمة البيت

واذكركم بانه سكن المعذر اللي كنا نسميه سكن الكويتين في ذا الايم باعوا القق ب160 الف ريال والكثيرين رفضوا بحجة انها شقه


لكن اعرف صديقه اشترت الشقه بب160 الف ريال واجرتها وقبل سنتين اعادت صيانتها وسكنت فيه لانها وصلت الى التقاعد ويادروب الراتب عشان تعيش كويس اذا ما عليها ايجار



لذلك اللي تدفعونه للايجار حاولوا تدفعونه اقساط شقه على اقل تقدير ما فيه صاحب العماره كل يوم بيقول لكم اطلعوا من بيتي


وارجع اقول لكم الموضوع لا يتعلق فقط بالامكانيات لكن بعقليتنا نحن السعوديين بان نتقبل تملك الشقق كحل لازمة السكن
كذلك تقديم بعض التنازلات


والاهم التخطيط والتدبير

الحمدلله على العافية
وان ربي كتب البيت في الدنيا فهو بيجي في وقته

اسال الله ان يرزقك ببيت الملك ويغنيك من فضله ويفتح لك ابواب الرزق ولكل من قالت امين .