انا اشوف انه عادي الوحده تروح المجمعات مع زوجهاصح مليان مناضر بس هوه يشوف بكل مكان ليش احرم نفسي من الوناسه عشان هالمناظر بعدين الوحده تثق بزوجها وخلاص واذا هو من النوع الي يطالع فالله بيحاسبه كيفه ياختي ريحي راسك هم الرجال يتمشون وينبسطون وحنا انحرم اعمارنا ليش

طيب انا اغار على زوجي بس مو معناته ماأطلع و مااشوف الناس ومااروح الاسواق واوسع صدري..
لاني الحمدلله واثقة من نفسي وواثقة فيه :S_45: هنا مربط الفرس ياقلبي..

فيه فرق بين وحده تغار على زوجها وتحاول انها تكون الأحلى بعيونه وفرق بين وحدة تبي تغمض عيونه عن كل وحده وتبي تروح البر عشان مايشوف الا الضبان :p

اذا ماشاف بالسوق كم وحده زي ماتقولون متبرجة بيشوف بالتلفزيون الاحلى والاكثر منها فتنة واذا ماشاف بالتلفزيون عنده اقرب لاب توب مليان صور!!

عشان كذا مفروض الوحده ماتتعب نفسها وتلغي وناستها وتدفن روحها عشان زوجها مايشوف كم وحدة في مول والا شارع!!

السلامـ عليكم ..

أحب أشكر صاحبة الموضوع فعلاا موضوع مهم وملاااااحظ بوقتنا الحاضر

أحب اقول شغله أنا كنت اشوف حريم مره متشددين على ازواجهم وتناظر تخاف احد يناظر زوجها كنت اقوول اذا تزوجت

ماااارح اغار كل هذي الغيره << أحس انها غيره زيااده .. بس لما تزوجت صااار الوضع غيررر هههههه

كلامي الأول ماقدرت انفذه يعني مو اني غيوره بقووه بس فيني غيره وهي من طبيعة المرأه يعني بس لازم تتحكم فيها

بس الي قااااااهرني اني اشووووف بنااااات قاااصدين انهم ينااااظروون الي مع زوجته بالذاات منتشررره هالظاهره بقوووه ليش

يعني تبيه يناااظرهااا بالقوووه انا مع الأخت نبض الوفاااا لان الغلط غلط وأنا مو متحيزه مع المتزوجات او ضد البنااات بس

أبي اعرف ليه يتعمدون يناظرون المشكله يقزووونه من رااسه الى أخمس قدميه ههههه وربي شي يضحك


الي اعجبني انه فيه بنااااات ضد البنات هذووولي ليه لأنه واااضح انه شي غلط والمسأله صاارت هنا عناد


واخر شي اقوووله كل واحد وتربيته تدل على سلووووكه



موفقين جميعااا

اللي عندنا اهون من الدول العربيه الثانيه وبعض الدول الخليجيه زي دبي اللي تتمشى بشورت وتنوره اعلى الفخوذ ونص الصدر والبطن طالع
واصلا ماعمري شفت وحده تلفت الانتباه من جمال بالعكس والله اشكال تجيب المرض واضح المبالغه بالمكياج واللبس كأنها تقول شوفوووني انا حلوه بالغصب, وبنفس الوقت شوفي لما تجي وحده شاميه متحجبه ولانقطة مكياج وماشاء الله ع الجمال والاخلاق و حالها في شانها, اللي عندنا عندهم مشكله بثقتهم بأنفسهم الوحده زانطه نفسها بالعبايه الضيقه وقاصه نص الوجه باللثام وحاشره وجها بكم طبقه تحت المكياج و الله يغفر لشبابنا المنخدعين تحت اقنعة الزينه ياخذون ذنوب على الفاضي
احسن شي تروحي الصباح مافي احد بالمول اذا تتضايقين مره او تطلعين البر على قول زوجك
تحياتي

انا ما يهمني زوجي وش يشوف وما يشوف


كثر


ما يهمني ويقهرني ويغيضني حرمات الله اللي تنتهك


لا حجاب ,,, ولا ستر ,,, ولا صلاة للاسف تلقين شباب ورجال صافين مع الحريم بوقت الصلاة ,,,, ومو معقووول كل هالعدد مسافرين
والموسيقى والاغاني ما يحتاج جوالات وايبوددات ,,,,لبس بناتنا وعيالنا لا يمت لديننا ولا عرفنا بصلة ,,,طيحني ولا تطيحني ,,,خنبقة تفشل ,,, هذا مسلم قدوته الرسول والصحابة ,,, والكشش اللهم لك الحمد ,,,, والله بزراننا الصغار يستفسرون ليه ولد حط بكله وربطه ,,,
والبنات الله المستعان ,,, عطوووووور ولا اظن تجهل الحكم ,,, ولا اظن ان لفظ زانية تطلق عليها ما تعني لها شي
عباية مفتوحة والسيقان طالعه واذا كلمتيها سفهتك وكانها تقول ما تطورت !!!
غير المكياج وكشفة الوجه ووو الخ


بالمختصر
انحداااااااااااااااااااار فظيع ونقول ما يجينا مطر


هذا اللي يغيظني


والمفروض كلنا نغار على حرمات الله قبل نغار على ازواجنا
اللي خليناهم في اعلى مراتب الحب والعشق والتعلق
كل ما طق عود بعود قلنا زوجي وزوجي وزوجي ((اللهم اجعل حبك فوق كل حب ))
تاليتها ذنبه على جنبه ,,,, وانا لي ذنبي في هالاماكن اذا ما انكرت
والاسواق للحاجة مو تماشي وبقبقة عيون وتعليق ع الرايح والجاي حش وغيبة



واذا حرمت نفسي من هالاماكن مو عشان زوجي والبنات المتبرجات
احرم نفسي من الذنب والاثم ,,,,
اجل اتمشى في ابغض الاماكن الى الله
فيه اماكن تمشي وتغيير جو وراحة بال غير المجمعات والاسواق
ولا تزال مليانه بس نختار اوقات اللي ما فيها زحام
اشتري راحة نفسي في الاخرة قبل الدنيا
ما خلقنا لترفيه النفس ,,,, خلقنا للعبادة
بتقولون ما يمنع من الترويح وانا اقولها قبلكم لكن مو في اماكن فيها الفساد غاااالب

الله لا يشغلنا الا بطاعته

الله يجعل حبه فوق كل حب