أمانات بين أيدينا

السلام عليكم ورحمة الله وبركاته


قبل التفكير في منصب العريس
أو شكل العريس
أو المهر وشهر العسل
وقبل تحديد برامج العنايه
أو محلات الألماسات أو مكان الفرح
لازم تفكرين في أهم شي وأثمن شي وأولى شي
وهم الأطفال الي ربي بيرزقك فيهم وبيحاسبك
عليهم من أول الحمل فيهم.

لاتحملين قبل تعرفين ان حملهم وهن وإرضاعهم وهن وتربيتهم صبر وتعب.

لاتجيبينهم وتعذبينهم وتقولين ماينامون
يشاغبون..يصرخون.. يتضاربون

لاتدوري أعذار لضربك لهم أو لعصبيتك معهم
أو لتعذيبهم!

لا ترددين عندي اكتئاب حمل..عندي نقص دال
ما أنام زين..أنا تعبانه..كل هذا مالهم دخل فيه
وش تبين هالأطفال يسوون؟ ينومونك؟
يأكلونك؟يشربونك؟
انت متصوره انهم بيجون دميات أو عساكر أو أصنام؟

متخيله بتنامين زي قبل أو بيتك بيبقى مرتب ونظيف؟

أصواتهم وصراخهم ووصاختهم وضحكاتهم هي معنى الحياه وهي طريقك للجنه

ما أقول لاتتعبين ولا لاتشتكين ولا لاتوجهينهم ولا تأدبينهم.. أنا أقول لاتعذبينهم
لانضربينهم
لا تكسرين أرواحهم
لاتطلعينهم عصبيين عدوانيين قشران
بعدين تجين تشتكين عيالي يضربون
ويهاوشون وعصبيين وانت الي ربيتيهم يكونون كذى!


التعب والسهر والضيقه كلها وارده
وتأديبهم مطلوب
بس اتقي الله فيهم لأنهم أمانه عظيمه بيحاسبك
ربي عنها.
احسني إليهم يحسن لك المجتمع بأكمله.
لأن أول لوم يقع على الأطفال هو عبارة أمهم ماربتهم.