أماني زعلت فكتبت (مارئيكم بمنع دخول الأطفال صالات الطعام في الأفراح؟

السلام عليكم

الحكايه ومافيها أني كنت معزومه في زواج وقبل النداء الى الدخول لصالة الطعام بنت صغيره من بنات وحده من صاحبات الحفل بناء على طلب من ولداتها باأخرج الأطفال الى ساحة القاعه حتى لايدخلوا صالة الطعام مع أمهاتهم .

وجاءت بنت أختي وفجعتني قالت فيه بنت طلعت بنتك برا طبعا أنا تبادر الى ذهني أنه برا الصاله يعني بالشارع وأخذت ولدي الصغير لايضيع هو بعد وصرت أركض ولقيت بنتي خلف باب الزجاج تناظر في الصاله في حالة خوف وأرتباك لاتدري أي جرم أرتكبت صغيرتي وحاولت أنا وأختي ندخلها للقاعه ورفضت بقوة الدخول قالت لا البنت قالت أطلعي برا بنتي بسم الله عليها مؤدبه وتسمع الكلام وتتقيد بالقوانين زي أمها .ولا البنت حاولت تطلع كل الأطفال بس مااحد رد عليها مافيه غير بنتي (مسكينه مطيعه في زمن مايرحم )

المهم رحت بعد ماهدئت بنتي وحاولت دخول صالة الطعام ووجدت نفس الحرمه اللي تمنع الأطفال من الصعود الى المنصه نفسها موجوده بعصاتها البغيضه وتمنع دخول الأمهات وأطفالهم من الدخول لصالة الطعام وصاحبة الحفل تقول أنتظري حتى تخف الزحمه !!! وسمعت الكلام زي بنتي وجلست أنتظر ومعي أطفالي وبعد مادخلت والله ماوجدت صحن أغرف فيه ولا وجدت أكل أصلا ينغرف :44: والمواعين خلا ص على :angry:

ورحت على طاولة خواتي وشاركتهم وجبتهم .لأن الوقت متأخر مافيه مطاعم فاتحه أصلا .

المهم بعد كل هالقصه والمقدمه أبغى أعرف رئيكم بمنع الأطفال من دخول صالة الطعام في الأفراح ؟؟وخاصة أذا كان مو ممنوع أصلا دخولهم الفرح كيف ينمنعون عن الأكل وهم أولى من الكبار

وبعدين الأمهات بتجلس أطفالها على الطاوله وهي تروح تجيب لهم الأكل من البوفيه يعني مارح يدورون الأطفال حول البوفيه الا اذا كان كبار ويستطيعون الأعتماد على أنفسهم .

وشئ ثاني أنا مع منع الأطفال دخول صالة الطعام في حالة أن الحفل يكون في أستراحه مثلا أو قاعه صغيره لأن الأكل يقدم في وقت غير متأخر لكن في الفرح يكون تقديم الطعام في وقت متأخر خلاص من صالة الطعام لباب الخروج .

وحتى لو منع الأطفال من دخول صالة الطعام أنا في نظري وفي عزيمي أضع للأطفال أكل في صحون مستقله وفي مكان أخر المهم أنهم ياكلون بنفس الوقت ولاينتظرون حتى ينتهي الكبار .

معاكم المايك

تفضلوا