اللهم اغفرلها وارحمها وارحمنا اذا صرنا الى ما صارت اليه
اللهم اغفر وارحم موتانا وموتى جميع المسلمين

الله يرحمها ويتغمذ روحها الجنه

الله يغفر لها ولموتانا و موتى المسلمين

بكتينى والله ,, الله يرحمهـآ ويغفرلها ويوسع مدخلهـآ وجميع آآموآت المسلميين ,,
الله يصبركم يااارب ,,

آآآه يا اختي و الله >كرتيني بامي الله يرحمها و يرحم جميع اموات المؤمنين و المؤمنات..

امي الله يرحمها لما توفت نفس الشيء كانت تعبانة و منهكه و المرض هاد جسمها هد و كانت كبيرة في العمر و من كثر المرض مسكينة كانت صايرة جلد على عظم .. بس بعد ما توفت جسمها كان مشدود شد و وجهها كان مشدود و صافي كانها حاطة كريم اساس.. و اختي تقول لما مسكت رجلها تغسلها حستها كأنها رجل بنت فتية في اول عمرها.. و الكل يقول ما كانت امنا.. كانت كانها عروس مزفوفة لعريسها.. كأنها حورية من الجنة...

و الله فرحت لها كثير.. اختي انا متأكدة انه امج بخير و اسعد بالف مرة من سعادتها في هالدنيا الفانية.. و الله بعد ما توفت امي كانت حالتي النفسية زفته و اختي حلمتها انها تطلبني و تبيني اروح لها.. و كنت اتمنى اني اشوفها في حلم و لو مرة وحدة بس.. و كنت دايما احلم اني رايحة لها و اني اصعد جبال خضرا عااالية و شاهقه ما شفت بحياتي مثل هالجبال.. و ظليت على اطول احلم اني اتسلق هالجبال و انا كلي اصرار اني اكلم امي حبيبتي و اوصل لها.. لحد ما شفت نفسي مرة واقفة على مدخل قصر كله رخام ابيض يجنن.. و شفت امي حبيبتي لابسه اخضر في اخضر و واقفة تستقبلني.. ما تتصورين فرحة قلبي كيف كانت لما شفتها و شفت حالها انها بخير.. و مرة ثانية حلمت انها دخلتني قصرها و قعدت امشي فيه و كنت مبهورة مبهورة من العز اللي هي عايشة فيه.. قصر كبيرررر ابيض في ابيض و اقمشته كلها حراير و شيفونات و اثاثه كله من >هب..

آآه يمه.. و الله من يخطر على بالي حالها اللي هي فيه الحين افرح لها كثير و ادعي ربي انه يغفر لي و يجمعني معاها..

طمني قلبج اختي.. ترى امج في اسعد حال.. لازم تفرحين لها .. و تدعين الله انه يجمعج معاها في الجنة.. و انا متأكدة انها راح تجيج في الحلم و تكلمج..

انا و خواتي على طول نكلم امي و نشوفها في احلامنا.. نشكي لها همنا و نتطمن عليها و تطلب منا اي شيء يكون في خاطرها.. اخر مرة حلمتها طلبت مني عمرة و هم حلمتها اختي الكبيرة في نفس الفترة و طلبت منها نفس الطلب.. و الحمدلله أديناها لها و الله يتقبل منا..

الله يرحمها و يرحم والدتج و يغفر لهم جميعا يا رب و يجمعنا معاهم..