أمس كنت مره قلقانه عشان الاشعة واول مره اعرف للحامل اشعة
اسمها قياسات الحوض .. قالت الدكتورة ازل انها اختياري اذا بتسويها سويها
انا قلت بسويها لان الاول ماعرفنا سبب العملية الا انهم قالوا اختناق الحبل السري
بعد ماسالت البنات هنا البعض نصحني والبعض ماعرفها ..
وهي ماتخوف ابدا مثل ماتوقعت ..
اول شي طلبوا مني اشيل العباية وانام على السرير تبع الجهاز بعدين ثبتت رجلي
بشريط وخلت رجلي مو ممدوده مره يعني رفت ركبتي شو فوق << يارب واضح الوصف
مديت يدي وشابكه اصابعي مع بعض يعني صار شكلي ممدود على السرير بالطول
بعدين طلبت مني ما اتحرك وصار الجهاز يدخلني بالقوس تبع الجهاز ويطلعني يمكن 3 مرات
بعدها قالت : لاتخافين هذي اشعة لازم لانك بالاول عملية . والنتيجه بالكمبيوتر اسئلي الدكتورة مع الموعد القادم
وهذي بعض الصور بحثت عنها عشان افيدكم ولا تخافون وتشيلون هم مثلي
الله يطمنكم ويحفظ لكم ذريتكم يارب
ويرزقكم برهم يارب :)
الصورة الثالثه طبعا هي الحركة حقت اليد اللي سويتها لكن رجلي كانت شوي مرفوعه فوق
لاتنسوني من الدعاء ~
حفظكم الله ~