السلام عليكم ورحمة الله
عَنْ أَبِي هُرَيْرَةَ رَضِيَ اللَّهُ عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: مَنْ كَانَ يُؤْمِنُ بِاَللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ .
صدق الرسول الكريم صلى الله عليه وسلم
رجاءً اللي مايعجبها الموضوع ماترد مشكورة .
ظاهرة إنتشرت في الأسواق لم تكن موجوده من قبل وهي
وهي من المناظر المقززة والتي تخدش الحياء
الواحد يشوف زوج وزوجته ماشين بالسوق شوي ويحضنون بعض عيب والله عيب وأنا ماتكلم عن مسكت اليد العاديه هذي عادي لكن الغريب الضم يعني شي فوق المعقول
فأما تكون عروس جديده و كأنها ماصدقت تعرس أو تكون متزوجة وعندها أولاد لكن هذي رومنسيةزايده وحب قدام الناس أو تعدى الأمر إلى أن وصل إلى السماجة وقلة الأدب وقلة الحياء وعدم إحترام المكان العام ياختي ندري إنه حلال وماهو حرام وزوجك ماهو صديقك لكن بهذي الطريقه إنتي تجيبين لنفسك الكلام ماعندكم بيت تطلع فيه جميع أنواع الرمنسية..... يالرومنسية !!!!
ياأختي إذا تحبون بعض الله يهنيكم ولكن ليس المكان المناسب السوق والأماكن العامة والمصيبه كثرو الرومنسيين تشوفينهم يمشون بالسوق كأن أحد قايلهم فيه عاصفه بتضرب السوق بعد شوي تشوفينهم ماسكين ببعض بطريقه غريبه الحمدالله والشكر يديهم من ورى بعض وحاضنها
أنا من طبعي ماحب أتكلم مع أحد بالسوق لكن إستفزني الموقف
زوج وزوجته يمشون مع بعض حاط يده من ورى ظهرها وهي نفس الحركة حاطه يدها من وراه شوي يضمون بعض وكان معي أخوي الصغير وقام الولد يتفرج ويضحك ويقول (ليه مسوين كذا ) وأنا مابيه يشوف هالمناظر وهو طفل !!!
وكانو يمشون قريب منا
قلت لها :أمسكيه لايطير
وش تتوقعون ردت فعلها ؟
جلست تضحك وعجبتها الكلمه وكأنها مبسوطه فيه أحد أنتبه!!!