السلام عليكم
بنات أمي عسى ربي يطول بعمرها .. انسانه ماعرفت وشي هي من الناس !! مرة أقول ضعيفة شخصية مرة أقول ذكيه بزيادة .. مادري شلون أوصف لكم ..
تخيلوا أمي ماتبيني أبرها ولا أحترمها ... عيالها الباقين منهم من يعاملها يعني .. ومنهم من ماسح بها الأرض ماتتخيلون وشلون عايشت معها أيام من كيد خواتي لها واساءتهم لها واستغلالهم لطيبتها لأقصى درجات النذاله .. تمشكلت معهم وتهاوشت معهم كله أدافع عنها .. ولا هموني ولا بذرة تراب لأنهم أخساس بس موقف أمي مني تزعل عشانهم وتتكلم بي من وراي معهم وتسب فيني مع إني والله شاهد أبرها بر الكل يحسدها عليه والأنذال خواتي وخاصه الكبيرة أقسم بالله إنها كانت ترفع الجزمة على أمي وتغير من أمي تعامل أمي كأنها جارتها مو أمها من صغري كنت أشوف أمي تنهان وأحياناً تنضرب على يد خواتي ويوم كبرت شوي وقفت بوجه أخوي وأختي ألي كانوا يضربونها .. وللأسف موقف أمي سلبي .. دارت الأيام والسنين وكبروا وتزوجوا وسبحان من وسع لهم بأرزاقهم جاهم عيال الله لايمتعهم ببرهم مثل ماعقوا أمي يعقونهم قولوا آمين .. وأمي لازالت سلبيه ... مجرد زعل ماتزعل عليهم ولو حاولت تزعل قالوا لها فجر محرضتك علينا وهم جبناء مايواجهوني أول مايشوفوني يسكتون .. بس أصير قد سمعتهم وأنا نازلة على الدرج .. أنا مايهمني بالأمر غير أمي وشلون أعاملها .. البارح جت أختي الكبيرة ماتعرفون شلون كانت توقع أمي بمشاكل وتتكلم فينا عند الناس وخاصة فيني فشلتنا وفشلت أمي ومع هذا أول ماتدخل هي وبناتها تبش أمي وتستانس مع إنها داخلها غضبانه عليها من كلام الناس ألي يجيها أو من قلة أدب عاملتها بها .. المهم جت البارح هي وبناتها وتهاوشت مع بنتها قاموا زعلوا واتصلو بولدهم وجاء ياخذهم الله ياخذهم ولا يمتعهم بنعمه يااارب .. عاد جاء دور أمي الهواشه صايرة قدامها وسبتها إن البنت رفعت صوتها علي بكل وقاحه وقاده تتمهزأ فيني فرفعت صوتي عليها وعصبت وقلت لاترفعين صوتك علي ماأسمح لك .. يعني قصدي الموضوع باين من الغلطان .. أمي كالعادة زعلت ولا صارت تعطيني وجه وتتشكى لخواتي مني وهاتي ياافتراءات علي وربي شاهد إن ثلاث أرباع كلام أمي عني كذب وتشكيها من كله خيالات ,,, أنا وشلون أعاملها مع العلم إني أول ماشوفها زعلانه أراضيها وأسولف معها بس ماتعطيني وجه أبد وتسوي كل مرة مسلسلها ألي حفظته تزعل ثم بليل تقول ماجاني النوم البارح بسبتك ضغطي مرتفع بسببك معدتي مولعه منك سكري مرتفع وانتي السبب .. ياويلها من ربي هلحين أنا ألي مقطعه نفسي ببرها كل هذا أسببه لها وهالأنذال ألي يصبحونها بضرب ويمسونها بسب لهم الضحك والسوالف
بالله قولوا لي وشلون أتعامل معها وربي تعبت منها .. مقطعه نفسي عشانها والله العظيم كأني أنا أمها مو هي أمي ... والمصيبة الأكبر مالي غيرها بالدنيا بعد الله ...
الله يطولي بعمرها ولا يحرمنيها
أختكم فجر
غروووب 2 @ghrooob_2_1
محررة
يلزم عليك تسجيل الدخول أولًا لكتابة تعليق.
شوفي ياقلبي كثري من هالدعاء وبتشوفين العجب اللهم ارزقني بر والدتي من غير مشقة دعوووووواتي لك الله يلين قلبهالك
الله يصلح اخوانك وخواتك يااا رب
ويرزقهم بر امك... الله يهديهم يا فجر ..انتي ضلي متل ما انتي .. بري امك واجرك عند ربنا ما بضيع
ويرزقهم بر امك... الله يهديهم يا فجر ..انتي ضلي متل ما انتي .. بري امك واجرك عند ربنا ما بضيع
زائرة
•
مهما صار هذة امك عليك في الدعاء لها وادعىى لخوانك بعد ان الله يهديهم وامك حتى لو تزعل منك مهما كان امك اهم شي لا تغيرى اسلوبك معها خليك احسن من اخوانك وشوفى اختى ترى الاستغفار يغير من حال الى حال اكثرى منه
الصفحة الأخيرة
لا .. والله يوفققك ويخليك لهها