أمـــــــي اعــــــذريني فـأنـــا لا أستطيـــــــع أن أحبــــك الحــــب الحقيــــــقي

اتذكر عندما كنت في بدايات تعلمي للطبخ
قالت لي اسوي كشنة وهي لم تعلمني كيف اكشن (زيت و طماطم على النار وبهارات)

المهم حطيت الزيت ثم البصل وبعده حطيت الصلصة والطماطم قبل ان يصفر لون البصل لآني لم أكن ماهرة بعد ولآنها لم تعلمني اصلا

كنت في غرفة الجلوس وجت من المطبخ وفي يدها شيء

أثاريها أخذت البصل وبعض الكشنة في يدها وجت مرخت به وجهي (لطخته في وجهي) وقالت شووووووووووووفي ..ليش ما خليتي البصل يستوي

أتذكر لما كانت تبصق أكرمكم الله في وجهي

علما بأنها ما زال الاسلوب هذا (اقصد البصق في الوجه) تتخذه أحيانا مع اختي الصغرى وما تتخيلوا كيف الاهاااااااااااانة هداها الله

اشياااااااااااااااء كثييييييييييييييييييييييييييييييييييييرة والأكثرمنها أن بعضهها كانوا اخواتي يحكون لي عنها لآني كما قلت تزوجت وأنا صغيرة وابتعدت عنهم مع اني اتذكر اني كنت أتذكر قبل نومي قسوتها على اخواني واخواتي وأجلس أبكي وانا غاضة (مخفضة صوتي) عشان زوجي ما يسمعني

كانت تعاملنا كأننا كباااااااااااار فاهمات للحياة
أتذكر عندما كنا في الصف اظن السادس او الاول متوسط
اخوي حضر محاضرة قبل رمضان وكان الشيخ يتكلم عن الاحتلام

المهم انه رجع يقول لأمي يمى..الشيخ يقول ان اللي يحلم يفطر أو كلام زي كذا والله نسيت وش قال بالضبط

المهم ان امي ضحكت وقالت لا مو كذا

قال اجل وش الاحتلام

ابتسمت وقالت اسأل اخواتك تقصدني انا واختي اللي اصغر مني مع أننا نعرف انه شيء خاص بالكبار لكن ما نعرف وش هو وتخيلوا الاحرااااااج قلنا لها ما نعرف

قالت على مين تلعبوووووووووون

آآآآآآآآآآآآه كل هذا كوووووووم وتعاملها مع واحد من اخواني كوم ثاني خاصة لما كان عاطل على العمل لآنه خلص الثانوي وقعد في البيت ما لقى شغل

كانت تستلمه بالدعاااااااوي والتهزيء وانه فاشل وما منه منفعة وانه زي البنت ولا منه رجا الخ الخ الخ
كانت اختي تكلمني وتقول لي أن امي تدعي عليه عمدا في افطار رمضان قدامه عشان ينقهر هي على بالها ان شدتها معاه ودعوتها رح تصنع منه رجل

صح صنعت رجل لكن محططططططططططططططططططططططططططم لحد الآن وعمره قريب للثلاثين

والله اشيااااااااااااااء نفسي انساها ذكرتها لكم للعبرة والعظة يمكن بععععععضكم بدون ما يدري يسويها مع عياله مع اني اتوقع أن زمن الشدة في التربية ولى

عموما نجي للنتايج << نتايج تربية أمي سامحها الله لنا

اخواني لحد الآن متزوجين ولم يبقى سوى الاخت الصغرى رزقها الله بزوج يسعدها لآنها ما زالت تعاني من أمي اشد من قبل وما ذكرت لكن كل شيء لآن في بعضها ما رح تصدقوووونها

شكلي بقول لكم بعض ما تعانيه اختي الصغرى اللي في العشرين

علما بأنها كتووووووووومة ولا تقول لي كل شيء والله يستمر من هالكبت لا يولد الانفجار بعدين

تخيلوا طبعا كما قلت هي يتيمة توفي ابوي وامي حامل فيها غفر الله لوالدي ورحمهمها

تسلتمها دعاااااااااوي على أتفه سبب
تعيرها بالأكل اللي تاكله << انتي ما وراك إلا الأكل
لهمتي كل شيء
ما منك رجا
عسى الله يرزقك بزوج يشبعك ضرب صبح ومساء
وأنواع الدعاااااااااااااااااااااااء عليها
أنا لا أخفيكم اختي كانت تداريها وتحرص انها تبرها لكن احس اختي مع الوقت صارت عصبية مرات ترفع صوتها لكن ما عمرها عاندتها في شيء لآنها خاية من لسان أمي..مرات امي كانت تسوي نفسها تعبانة مرة عشان اختي تغيب ما تدوام بالكلية لآنها تدرس
مرات اختي تغيب فعلا لكن لما تتوقع انها رح توصل إلى ساعات الحرمان من المواد لا تغيب وتجبر نفسها على الحضور
ترجع البيت وامي تقول لها لو فيك خير كان جلستي معي
لو فيك خير كان سويتي لي أكل
كل الناس عيالهم بارة إلا أنا ربي بلاني (أمي عمرها بداية الخمسين الحين وتوفي ابوي وهي في الثلاثين من عمرها تقريبا )

أنا ألتمس العذر لآمي لآنها عانت معنا واحنا أيتام لكني لا ادري لما اشوف عمتي ولما أشوف ناس كثييييييييير عانوا أكثر منهم وربوا عيالهم أحسن تربية على الحب والحنان والحواااااااااااااار مرات لا أجد نفسي اعذرها

امي تحبنا بالتأكيد لكن كانت تتصرف تصرفات في بالها انها رح تربينا مضبوط

نرجع لنتاااااااااااائج التربية هذه
كلللللللللللللللللللنا طلعنا متذبذبين نفسيا وشخصيا
احنا البنات امعات لآزواجنا نبحث منههم على الحنان ونخاااااااااااف ونحترق نفسيها عند أتفه مشكلة تحدث في حياتنا الزوجية(عني شخصيا كلما أكبر كلما أتعلم خبرة واستفيد من ناحية التعامل مع زوجي لكني اقصد مثلا بقية أخواتي لا يعرفون التعامل المضبوط مع الزوج)
اغلبنا خاصة لما كنا صغار بالعمر لا نستطيع التحدث مع الناس ولا انسى مواقفي العديدة في الاحراج من الناس عندما كان زووجي اول سنين زواجي يعزم أهله وأصحابه عندي في بيتي كنت لا اعرف اصب القهوة ولا أسولف مع النساء كنت أتصبب عرقا ووجهي أحمرررررررر
نفس الحكاية تكررت مع اخواتي اللي اصغر مني
طبعا أنا الحين لست كالسابق لكن ما زال الخوف فيني من المواقف الجديدة

لا تستغربون أني ما زلت أحلم بقسوة امي في نومي على شكل كوابييييييييييييييييييييييييس أقوم منها مفزوووووووعةوايضا لدي اختين يحلموووون بنفس الاحلام(اقصد كوابيس قسوة أمي في النوم)

اخواني الأولاد كلهم متزوجين
جميييييييييييييييييييييييييييييييييييييعهم مع حريمهم أقصد يفضلون الجلوس مع حريمهم أكثر من الجلوس مع أمي مع انهم يحاولون يمشون امي ويدلعووووووونها ويقولون لها كلام يونسها (اقصد اخواني الرجال) لكن تحسين من اخواني انهم يفضلون حريهم على امي ويشتاقون لهم لو كانوا بعيدين ويستشيرونهم أكثر من امي ماشاءالله لا قوة إلا بالله
اتذكر واحد من اخواني يحاول يغير نظرة امي التشاؤمية ودااااااااااااااااايم لما يجلس معها يحدثها عن الاحسان بالظن ويجيب لها هدايا لنفسها وهدايا عشان تهديها للناس
احس من اخواني انهم يبون يغيرون امي بل قالوها صراحة

أمنيتهم (وأمنيتنا نحن البنات ايضا)
أن أمي تكون بشوووووووووووشة مبتسمة متفااااااااااااائلة لا تنظر للحياة بمنظار أسود ..نفسنا تحسن الظن بنااااااااا و بالناااااااااااس عموما
نفسنا تعطينا الثقة ..نفسنا تعرف أننا حريصين على رضاها لكن ما ساعدتنا نفسنا بنر فيها أكثر لكن ما ساعدتنا

حتى لما اخوني في الاعياد يجيبوا لها هدايا ما تشكرنا ومرات لما نعطيها فلوس ما تقبلها منا بسهولة مع أن في قرارة نفسها مبسووووووطة بس تكابر نفسنا تروح الحواجز النفسية اللي بينها وبينها

تصدقوووون رحت لهم في العيد هذا
نفسي أنا وأخواتي نحضن أمي ..نفسي أبوس راسها ..أنا أبوسه لكن بس اذا جيت من السفر أو اذا جيت بودعها واحس ان البوس أن موووووووو من قلبي آآآآآآآآآآآه

نفسي ابوس رجووووووووووولها

نفسي أتجرأ أطااااااااااالع في عيونها

تصدقون لحد الحين ما فينا واحد خاصة البنات يقدر يرفع نظره في عيونها خاصة أنا

اسولف معها وأنا مطأطئة الرأس أو أطالع في مكان ثاني آآآآآآآه يالقهر والمصيبة اني اكتشفت مؤخرا أنها تحسب هالحركة أنه كره لها وعدم الرغبة في الحديث معها لآن قالت لاختي الصغيرة انكم ما تحبوووووني كل الحريم بناتهم وعيالهم يحبوووني الا إلا أنا لي الله

لما نرووووح ونجتمع أنا واخواتي في الاجازات عند أمي والله ما نتهنى

امي ما تسامحنا على اقل خطأ ولا تتحمل شقاوة عيالنا مع أن والله مو اشقياء زي ما اشوف بعض الاطفال الله يحفظهم
وبس نتأخر عليها بشيء تدعي علينا بالقهر وان الله لا يعطينا عافية

الخلاصة ان اخواني الاولاد يفضلووووووون حريمهم على امي صح مو باين ماديا لكن باين من تصرفاتهم
يعني اقصد اخواني يفضلووون أجواء حريمهم أكثر من الاوقات اللي يقضونها مع امي
احنا البنات لما نسافر عند امي ونجتمع عندها ما نصدددددددددددق يجي اليوم اللي نسافر فيه ونرحل من عندها وأغلب تفكيرنا هو كيف ستعيش اختي الصغرى مع هذه الاجواء

لما نجتمع في الاعياد او العطل الكبيرة ...لا نتهنأ بحديث واحيانا وربي يسامحنا كل حديثنا يكون عن امي وكيف التعامل معها و نصبر بعضنا البعض ومرات نتكلم عن قسوتها ربي يغفر لنا حتى هي صارت حاسة بالشي

مرة قالت لاختي الصغيرة ..أنا عارفة انكم تتكلمون فيني

ما عندها ثقة بنفسها ولا في في احد منا ولا في احد من الناااااااس

ياااااااااااااااااارب سامحني والله العظيم اني كنت بكتب الكلام هذا كم زمااااااااااااااااااااااااااااااااان لكن في النهاية قلت لازم اكتبه




امنيتنا..أن نكون بااااااااااااااااااااراااات بأمنا قولا وفعلا
نفسي أقول لها كلام حلوووووووووو
نفسنا نحضنا ونقول لها كل عام وانتي بخير

من العايدين

لما قلت لها أخر مرة من العايدين...قلت له وراسي مطأطيء وبصوت واطي غصبا عني والله

وحتى اخواتي واخواني لما قالوا لها من العايدين

قالوها ونظرهم بعيد عن نظرها

وكأنها ما تطلع من قلوبنا وفعلا احسها ما تطلع من قلوبنا

الشغالة في يوم العيد راحت باست يد أمي وقالت من العايدين

واحنا انقهررررررنا نفسنا نسوي كذا بس ماااااااااا نقدر

لييييييييييييييييييييش


آآآآآآآآآه سامحيني يا أمي


انتظر تعليقاتكم ونصحكم لنا

في النهاية اقول لكم انتبهوووووووووووووا لعيالكم

اييييه نسيت ..احب اقول لكم ان اسلوب قسوة أمي انتقل للاحفاد

اقصد ان اخواني شديدين مع اطفالهم شدة مو طبيعية
وايضا وحدة من اخواتي شديدة مع عيالها واحس ان عيالهم مو مستقرين نفسيا
اما البقية فهم يحاولون محاولات كثيييير تبوء بالفشل في سبيل تربية اطفالهم تربية مستقرة وأنا ما زالت بنتي صغيرة ما اقدر احكم على نفسي لكني لاحظت اني مرات تفلت من اعصابي خاصة أثناء عدم أكلها معنا لكني احاول جاهدة ان اضبط نفسي و أقرأ كثيرا في موضوع تربية الاطفال تربية متوازنة

ارجع و اقول انتبهوا لعيالكم ربوهم أحسن تربية وتعلموووووووووا اصول التربية الصحيحة عشان ما تخسرووووووووهم لما يكبروووووووون أو حتى في صغرهم
تحلموا عيالكم علموووووووووووووووهم الصح من الغلط
اتبعوا مع عيالكم اسلووووووووب الحوار لآني اكتشفت أن اسلوب الحوار هو من يصنع شخصية متزنة تعرف تواجه الناس وتاخذ وتعطي
لا تعتبروا ان الطفل صغير ما يحس لالالالالالالالالالا ما زلت أتذكر بعض ما كانت تعمله أمي معي عندما قبل أن أدرس ...
(( تذكرت قبل أن أدرس الابتدائي انها قالت لي أعطيها نصف كوب ماء..فأنا وقتها ما كنت اعرف المراد بكلمة نصف...لكني كنت اتوقع انه كوب مو مليان ..المهم اني اعطيتها يمكن الربع ..)) ضحكت علي وأضحكت اخواني على غبائي ووصفتني بالدلاخة

اشياء كثييييييييييييييييييييييييييييرة اسأل الله ان يسامحنا ويعفو عنها وعنا

ارجع واقول ..

أطفالنا أماااااااااانة أسأل الله أن يعيننا على تحمل الأمانة وتربية الأطفال يبغى لها تربية نفوسنا قبل ما نربي أطفالنا ..يبغى لنا نتعلم الصبر والحلم وضبط نفوسنا قبل لا نضبط عيالنا في الاخير لا تنسوا الدعاء بأن يرزقنا ربي ذرية صالحة

((ربنا هب لنا من أزواجنا وذرياتنا قرة أعين وأجعلنا للمتقين إماما))

يمكن امك قاسه .. الا اكيد مو يمكن ... بس لا تلومينها استلمت بنات واولاد وهي بمثل عمرك ... والزمن يخوف

كيف تحكمهم او تسيطر عليهم الا بهالاسلوب

يمكن اتبعت طريقة غلط ... بس من حرصها عليكم

شوفي انتي وش كثر حساسه ومحتاجه حنان واحد يوقف معك .... امك لما توفى ابوك كانت بمثل عمرك ... حطي نفسك مكانها

لو حنيتي على العيال .. صارو يمونون عليك وما يسمعون كلامك وبيسون الغلط وهم متاكدين انك بتسامحينهم علشانك تحبينهم

اما بخصوص وضعكم الحين .... من فينا ما فيه عقد نفسيه وكبت من الطفوله .... بس فيه منا اللي طوى صفحة الماضي وكمل حياته

وفيه اللي عاجبه دور الضحية وكل يوم يتذكر الاشياء الحزينه بحياته

امك بالمعاملة الطيبة بتكسبين لو مو عندها عند الله ... هي عصبيه من تعاملكم معاها

انا اشوف امي اللي تحبهم اكثر تقسى عليهم على ازواجهم

الناس يختلفون في مشاعرهم .. يمكن هي ما تعرف تترجم حبها وحرصها عليكم

والدعاوي خلاص صارت عاده عندها

اما اخوانك ... ابشرك كل الرجال كذا ... سواء اللي امه حنونه والا قاسيه .. يفضلون يجلسون مع حريمهم وغيرهم بعد ينصر حرمته على زوجته يعني مالامك وتعاملها علاقه

واستغرب تقولين خواتك ما يعرفون يتعاملون مع الزوج .. طيب وين دورك انتي اكيد انتي صرتي تعرفين للحياة الزوجيه

لو بأكملك عن نفسي ... بحكم اني اصغر خواتي ... امي ما تدري انا كيف عايشة وايش هو زوجي من لحية .. بس كله لخواتي اذا واجهة مشكله اذا عندي عزيمة اذا واذا واذا

لاني عارفه ان امي حرمة كبيرة ونظرة الجيل القديم للرجل غير نظرة هالجيل (( اصلا كان عيب الحرمة تقول لزوجها انها تحبه او حتى تبين له )) فمعناها كل الحياة الزوجيه عندهم خطا

فما بالك بتربية العيال

اسمحي لي امك انسانه عصامية .... امراءة عن ميه رجال اللي قدرت تربيكم انتي واخوانك بدون ما تفسدون

الشك كان حرص ماهو شك حقيقي


وفعلا التربيه شي صعب ... ما يدري الواحد يقسى والا يرخي ومتى نشد ومتى نرخي

الله يقدرنا بس على هالامانه

والله يرزقكم برها

جزاك الله خيرا

أسعدني كلامك

سألتيني كيف تعلمت للحياة الزوجية أقول لك بالقراااااااااااااءةوالكتب والاستفادة من تجارب المتزوجات

ولا اخفيك كلما اكبر كلما تعلمت أكثر والنت له دووور كبير في تعليمي والحمدلله

أنا كلما أدعي لنفسي أدعي لآمي معي

ياااااااااااااااارب يرزقني برها وجميع اخواني

واقول لكم كمان صح امي كانت قاسية وما زالت حتى الناس لاحظوا هالشيء

لكن مع هذا ترى اخواني يحاولوا بقدر استطاعتهم يبروووووها بطريقتهم

لكن احس انهم يسوون هالشيء واحنا كمان من باب البر وأمر الدين بذلك لا من باب الحب

نفسي أحب امي

نفسي أحب رجووووووولها نفسي أقول لها كلام حلوووووو بدون خوووووووووووووووف

نفسي اطالع في عيونيها

الله يغفر لنا ويرحمنا ويخليها ويشفيها يااااااااااااارب

اشكرك مرة ثاااااااانية

الله يعينك غاليتي

بس امك مسكينه توفى زوجها وهي صغيره وبعدين متزوج عليها هذان سببان كافيان لقهر المراه وكسرها

امك ثم امك ثم امك

حاولوا تتقربون لها اكثر صدقيني مو عيب لو بكيتي عندها وقلتي لها احنا نحبك ونبي رضاك بالعكس بتتغير

امك تبي اللي يحن عليها ويواسيها

بس مدري هي كان عندها صديقات لأنهم بيخففون لها العذاب اللي فيها

ماراح شئ ولاضاع الوقت لسى باقي

خلي اخوانك يودونها العمره وتغير جو وادعوا لها تراها محتاجه اكثر منكم

انصحيها تدخل حلقات تحفيظ قران ترى بتشغل نفسها كثير عنكم

وانتم كان الله بعونكم ياختي والله في حالات تقطع القلب اكثر من كذا بس اصبري صبرا جميل والله المستعان

خلى اولادك يهدونها هدايا واذا تحسين انها تنزعج من عيالكم حاولي ماتجيبينهم معك

اهم شئ راحه امك

واختك اليتيمه اللي ماشافت ابوها اذا امكم ماتعرف تربي انتم انتي واخوانها الرجال وينهم حاولوا تعوضونها حنان هي اللي المسكينه بينكم

اشري لها هدايا واغدقيها كلام حلو وانصحيها والنت مليان مواقع استشاره ونفسيه ثقفي نفسك

والله يكون معك ياختي

وطمنينا عنكم