السلام عليكم
وتقبل الله منا ومنكم ...
سؤالي ........
هل امك وأبوك موجودين ؟؟؟
أحياااء؟؟؟؟ تسعدين بهم ؟؟
احمدي الله .. اشكريه...بريهم قبل أن تفقديهم ..
أنا أمي وأبي ماتوا رحمهم الله رحمة واسعة وأسكنهم الفردوس ووالديكم ..
ولو كانو أحياء عاملتهم بما ساقوله لكم .. ....
غالبية البنات اذا تزوجت تزور أهلها كل أسبوع ... وبعدين تجيب عيال ويكثرون عيالها ... ويكبر والديها ويتعبون مع الكبر .... وهي لازالت تزورهم بنفس الطريقة ...
البنت تبغى أهلها وهذا من حقها ... وامها وابوها يبغونها ويبغون عيالها ... لكن اذا اجتمعت هي واخواتها هات لك........... (( صجة ..... وصراااخ العيال ..وصك بيبان ...وطقاق .... ))
والضحية من ؟؟؟؟
طبعا .......... الوالدين !!!!!
طيب وش الحل ؟؟؟؟؟؟؟؟؟
الحل ,,,,,,,,, انك تزورين والدينك احيانا لحالك (( بدون عيالك))
سولفي معهم...ونسيهم...خلي الجلسة لهم لحالهم ... مافيها((ياولد قم ,,اقعد,,اعقل,,اسكت,,كل,,واشرب)) !!!
احضري لهم طبخة يحبونها ....دلكيهم ..همزي كتيفاتهم ..
طيب ليش مايجون العيال ؟؟؟؟
أنا أقول لك ليييييه ...
ترا كبير السن مايتحمل الاصوات << تدرين مرة جاني التهاب في اذني وماعاد اتحمل أي صوت وصار الصوت الطبيعي كانه صرااااخ ؟؟
هذا الاذن .. كيف بوجع الراس ..والظهر .. والركب .. غير الهموم !! وفقد الأقران !!
طيب والحل ؟؟
ومتى اشوف اخواتي ؟؟
وش اسوي بعيالي ؟؟
يتبع ......................
هم يبغون شيئين ..(( يبرون والديهم ..ويشوفون بعض ))
لكن كذا يتعبون الوالدين !!
أحسن حل ........مرة .. كل وحدة تجي هي وعيالها عشان يشوفون جدانهم ..بس لحالها يعني مايجون بقية الاخوات ..
ومرة ..تجي لحالها بدون عيالها ..
طيب وش تسوي بعيالها ؟؟ << تنسق مع وحدة من اخواتها تحطهم عندها... اواذا كان عندها عيال كبار تحط الاطفال عند اخوانهم ..
وش بيصير ؟؟
يمكن الوالدين بيقولون وين عيالك ؟؟ وليه ماجبتيهم ؟؟ << الوالدين حنونين
قولي ..الله يصلحهم يزعجون وانا جاية اشوفكم واتهنى بكم ..
انت نفسك بترتاحين ..وتكون جلسة هنية ..ووالديك ..بينبسطووووووون من الترتيب الجديد
طيب واخواتك متى تشوفينهم ؟؟؟
يتبع ...................