أملي بك يـآربي كبير , ,تعالو وواسوني شوي

السلام عليكم انا مشكلتي يابنات
لي 3 سنوات متزوجه وربي مارزقني بالذريه الصالحه

املي بالله كبير وزوجي من النوع الصبور وراضي بحكمت الله

صحيح انه يبي اطفال ودايم يقول نفسي اشوف كرشتك قدامك بمزح

بس مب متعلق بهالشي بالحيل

مشكلتي من عمتي الله يهديها..

انا يوم زواجي اخوانه اثنين تزوجو معنا


وحده حملت على طول الله يوفقها ويسعدها

الثانيه طولت مثلي ماحملت على طول


المهم عمتي كل ماجيهم تهرج فيني تقول ماحملتي روحي للمستشفى

وتقول لزوجي انضحك علينا ماحملت حرمتك بنخليهم يرجعون نص المهر< تراها يوم تتكلم كذا باسلوب انها تمزح معنا

بس انا وقتها تمنيت الارض تنشق وتبلعني لانها جرحتني كثير

المهم يابنات عرفت انها لمن زوجي يكون معها تقعد تلمح له تتزوج ومدري وش

هو يقولها مابي غيرها والي مايجيني منها ماتمناه مع غيرها

ترا هي دايم تدق بالكلام وتقول انها تمزح مو من جدها وانا والله ادري انه من قلبها


قبل فتره عرفت انه الثانيه طلعت حامل لها 8 شهور

وومحد قال لي

فرحت لها لانها بنت حلال وتستاهل الخير بس تضايقت ليش خبو علي

ليش دايم الي تاخرت بالحمل الناس تنظر لها بنظره انها بتحسد اغيرها وينظرون لها بشفقه

صرت وربي استحي يوم ازور وحده نفاس واشيل طفلها اقول الحين بيقولون بتحسد ولدنا

من نظرت الناس


انا عمري 22 سنه لسى صغيره وربي اذا مارزقني الحين بيرزقني بـ أخرته

وليت كذا وحده من اخواته مره هرجت فيني قالت انتي كذابه تقولين متى ماربي رزقني

بحمل وتبينين انه ماهمك الحمل وذاك اليوم شايفتك بالمستشفى انا

لانها شافتني بالمستشفى اراجع


يعني كيف تبيني ابكي عندك اقول ابي احمل وبموت عشان احمل

شي طبيعي بقول كله بـ ارزاق من الله والخير من ربي مو منك ولا من احد غيرك


زوجي تحاليله سليمه ماشاء الله

انا الدكتور يقول لي تحاليلك سليمه لا هرمون حليب ولا ذكوره ولا اي شي

بس عندك ضعف بالتبويض

سئلته من ايش الضعف قال اوقات يصير كذا وتحتاج البويضات لمنشطات عشان يصير التبويض ممتاز

لي الحين 3 شهور اروح للمستشفى واراجع عنده عشان ينظم لي الدوره والتبويض

بس الشهر ذا متضايقه كثير قلت لزوجي مابروح للمستشفى بارتاح هالشهر

جاتني الدوره امس بكيت مو لانهاجاتني بكيت من المشاكل من حولي

ومن ضيقي ووحدتي دعيت ان ربي يرزقني بطفل يملي علي حياتي انا وزوجي

ويونسني ببيتي

انا من كثر ماسمع كلام يجرحني لارحت عند بيت عمي صرت اقلل روحاتي

لاني دايم انجرح وارجع ابكي

مره عمتي قالت لي انتبهي لاتعطين الي ببطن حرمة ولدي عين قصدها على الاولى الي حملت

اخخ استغفر الله العظيم وحسبي الله ونعم الوكيل

ليت كل الناس قلوبهم نظيفه كان الدنيا ذي بخير

عندها 4 غير ولدها الي هو زوجي

وكلهم عندهم اطفال وواحد زوجته حامل

وبناتها بعد الي متزوجات عندهم اطفال يعني ماهي محرومه من الاحفاد

ليش الا وتبي زوجي يتزوج علي ولا تبي يفكر بغيري وتحسسه اني نااقصصه

برغم انه انا وزوجي اصغرهم

بنات تكفون ادعو لي ان الله يسخر لي زوجي ويكفيني من مشاكل الناس

ويرزقني بالذريه الصالحه لاني بجد تعبت من وحدتي