أملي في الله كبير ..

السلام عليكم

كيفكم يااخواتي في الله

بعد سنه تركت فيها العلاجات والمستشفيات قررنا نكشف من جديد ودكتوره جديده 

قالت لي تعالي ثالث الدوره اسويلك سونار مهبلي ، ضغطت ع نفسي وسويته وقلت يمكن الخيره ع يدها
واعطتني علاج التهابات وقالت لو ماحملتي تعالي الشهر الجاي
كميه الثقه في صوتها اعطتنا امل كبير وماصار حمل الحمدلله ع كل حال ورجعت لها 
واتفاجأ انها تقول لي تبغي طفل انابيب !! رفضت ثم قالت ايوا انتي لسه صغيره ادعي وبس

خرجت من عندها وانا يائسه بعد ماكنت متامله ، واصريت انها تعطيني منشط كتبت لي كلوميد على مضض زي كانه طلبك مشي حالك !

وللعلم اني اخذته قبل عند دكتوره سابقه وماصار حمل وعندي انبوب فالوب ضيق .. 

وزوجي عنده نسبه بسيطه لزوجه والدكتور قال ماياثر ع الحمل بدرجه قويه لكن اعطاه علاجات

استشيركم اخواتي هل اخذ المنشط واراجع عندها ولا حيضرني ؟ لاني سمعت ان كثره الكلوميد تاثرر سلبي ع المبايض !

ثانيا ، طمنوني هل حالتي فعلا ميؤوسه واحتاج ألجأ للتلقيح والانابيب ولا هم يبالغو ؟ لانها ثاني دكتوره تعرضه عليا ..


الله يرزقني واياكم بالذريه الصالحه المعافاه :(