عاشقة الصداقة :

خمولتي هلا والله .. امنتي الستر والعافية والصلاح والهداية لي ولزوجي ولذريتي واخواني وللمسلمين اجمعين ..

خمولتي هلا والله .. امنتي الستر والعافية والصلاح والهداية لي ولزوجي ولذريتي واخواني وللمسلمين...

نور القرآن :

ام الخمائل الله يعطيج العافيه .. موضوع حلو أما أنا فأمنياتي: إني إن شاء الله أتزوج إنسان طيب حنون يخاف الله فيّ ويحترمني ويحبني (هذي كثري منها) ونعين بعض على طاعة الله وإن شاء الله أصير نعم الزوجه الصالحه الطيبه الودود البعيده عن النكد وعن تكفير العشير.. إن يسود بيتي جو إيماني .. نخصص وقت لصلاة جماعة بينا.. قيام ليل.. قراءة قرآن وتدارسه .. ساعة في ذكر الله و تذاكر السيره النبوية وحياة الصحابه وأمور الدين إن الله يرزقني عيال أربيهم على طاعته ويكونون قرة عين لي ولأبوهم .. يكونون من حفظة القرآن المتفقهين في الدين الذاكرين لله كثيراً الواصلين لرحمهم دوم حتى لو أساءوا لهم وودي أعودهم يتصدقون دايماً من قبل لا يدشون المدارس.. (تراني مجهزة الوسائل والطرق بس أنطر أبو العيال يجي ويجيبهم معاه وبعدها أطبق) كنت قبل أتمنى الجهاد لهم في الحرب .. بس ما عاد مفهوم بالنسبه لي اللي يحصل هالأيام لإذا هو جهاد أو فتنه ونزاعات ما يخصها في الجهاد .. بس بعدني أتمنى لنا جميع الشهاده أتمنى أكون دافع في حياة زوجي وعيالي لمزيد من النجاح والتقدم .. وإني أشوفهم من الموفقين المتفوقين أتمنى أن زواجي يكون وسيلة لقربي إلى الله أكثر ورضاه علي بصراحة أتمنى أشياء كثيره .. يمكن أكون أبالغ في أمنياتي .. الله كريم ودمتي بخير *^_^*

ام الخمائل الله يعطيج العافيه .. موضوع حلو أما أنا فأمنياتي: إني إن شاء الله أتزوج إنسان...

zOOna :

انا أدري انتي حاطه هالجمله عشاني، لأني دايما أدخل مواضيعك واكتب ردود طويله عريضه واخر شي أقول ترا انا مو متزوجه خخخخخخخ المهم،، ردا على السؤال: أتمنى أتزوج خخخخخخخ لا صج،، أتمنى بعد هالصبر أحصل الزوج اللي أنا منتظرته من زمان...!! <<<< عيل نطري!!! أتمنى زوجي يكون متعاون معاي في تربية عيالي، يعني ما يفكر ان هاذي مسؤليتي أنا بس وان هو بس عليه يوفر المسكن والملبس والمأكل أبيه يشارك في أوقات لعبهم ، وأوقات دراستهم صحيح اني كنت أتضايق من وجود أبوي (الله يحفظه) الدائم معاي وقت الدراسه وحرصه على معرفة كل كبيره وصغيره ، وبعض الأحيان كنت أعتبره يتدخل في شئوني!!!!! لكن الحين لما كبرت استوعبت المعنى الحقيقي لهاذي العلاقه الابويه،، ولولاه انا ما وصلت الى ما انا عليه اليوم... عشان جذي أبي زوجي يكون همه عياله ومستقبل عياله،، مو بس لبس وأكل وطلعه... لأن الحياه أكبر واعمق من جذي أتمنى زوج جاد، لأني جاده أتمنى زوج عاقل وطموح وعن نفسي،، أتمنى اني اقدر أكون الزوجه المثاليه!! وصدقيني ،، ردي اللي كتبته في موضوعك السابق .. فيه بعض من تصوراتي المستقبليه، حتى وان كتبته عن طريق المزح يعني من جد،، اتمنى ابدع في المحافظه على شكلي واناقتي أتمنى أبدع في تربية عيالي ومصادقتهم وملازمتهم دائما أتمنى أبدع في الطبخ أتمنى أبدع في علاقاتي الاجتماعيه وخصوصا مع أهله أتمنى أبدع في علاقتي مع زوجي في نظافة وجمال بيتي في الاهتمام بتثقيف نفسي ولا بأس بالاستفاده من شهادتي انا عارفه ان الكمال مو من صفات البشر،، لكني أسعى للمثاليه رغم صعوبة هذا الشئ ما أفكر أستعين بخادمه! وعارفه ان اللي أنا أسعى له صعب ويمكن مستحيل،، لكن لا بأس من المحاوله :) تسلمين على الموضوع واسفه على الاطاله،، ترا انا كاتبه بالمختصر المفيد،، اذا مستعدين تسمعوني باتكلم لي بكره :)

انا أدري انتي حاطه هالجمله عشاني، لأني دايما أدخل مواضيعك واكتب ردود طويله عريضه واخر شي أقول ترا...