السلام عليكم ورحمة الله وبركاته
صباحك سعاده
حبيبتي فهمت وحسيت بكل حرف كتبتيه واعرف مقدار الالم اللي داخلك وتدرين اناامس كانت خطوبة وحده اصغر مني ب11سنه والله اني فرحت ودعيت لها بالخير لكن حزنت على نفسي حسيت الاجيال الصغار تزوجوا اعوذ بالله من الياس تصدقين صليت ودعيييييت ان الله ينزع الغيره والحسد وعدم الثقه من قلبي ودعيت بالرزق والله نفسيتي. تحسنت 360 درجه وحسيت كانك كبيتي مويه بارده على قلبي وارتحت
ترا اغلبنا يحمل هذا الهم وعانا منه
باقول لك قصة طازه قسما بالله امس نتكلم فيها صديقه مرة اخوي بنتها كبرت حيييييل حتى اكبر منك عمرها تقريبا 43وماتزوجت واذا انخطبت تتعقد امورها المهم تبهذلت حييييل اخوانها يعايرونها العانس وهم اصغر منها تزوجوا وجاهم عيال وسبحان الله توها العام تتزوج لكن خذت واحد رووووووعه من كل النواحي يعشقها بجنون امها تسولف لمرة اخوي تقول ربي عوضها بواحد احسن مماكانت تتمنى والحين حامل وبتولد قريب ماشاء الله لاقوة الا بالله
بس كانت ملتزمه وتدعي وتصلي بالليل
حبيبتي رزقك بيد الله القادر على كل شي الزمي الاستغفار والحي بالدعاء ابكي بين يدي الله واقري البقره واذا قدرتي تقومي الليل افضل والله لاتشوفي العجب من تفريج الهموم والزواج

اسال الله في هذا اليوم ان مايخلص شهر ذي الحجه الا وانتي متزوجه ومبسوطه


يارب العالمين

طبعا بيتحقق بس بشرط
اليقين بالله ادعي وانتي موقنة بالاجابة كل ماحزنتي صلي على النبي صدقيني بيتحقق حلمك مثل ماتبين

الله يرزقك بالزوج الصالح عاجلاغير اجل ويفرح قلبك ويسعدك ويهنيك يارب

رددي اليوم

رب اني لما انزلت الي من خير فقير


اليوم جمعه ردديها ساعه كامله قبل الغروب


لعل الله يستجيب لك

اقرئي على نفسك الحسد يعطل الرزق