أمهاتكم والبيت والتنظيف؟؟؟؟/ قديم

السلام عليكم
شخباركم بنات
متردده كثير في كتابة الموضوع بس ابي نصايحكم ياأمهات يامتزوجات
المهم بدخل في الموضوع
ابي رايكم ابي خبراتكم
انا تقريبا من المتوسط وانا بديت اساعد امي بشغل البيت تنظيف وطبخ ومعتمده علي بكل شي
لما بيجوها حريم تعطيني خبر واقوم انظف واسوي قهوه وشاي وحلى واهي تستقبلهم
حتى لما اجي من المدرسه كنت لازم اجي انظف البيت قبل لاأستريح ابي انااام مايمدي احط راسي
إلا وابوي جا يطفي المكيف يعني مافي راحه
وانخطبت وانا بالمطبخ ويوووم الشوفه وانا بالمطبخ مامدى بيلبسني الدبله إلا وقالت امي يالله البنت
بتروح المطبخ بتسوي العشا على طول بدلت وعلى المطبخ كذالك العرس كان زواجي بشهر
عشره بعد العيد ورمضان تعرفون وقفت المطبخ والقلي وكنت خايفه على بشرتي لن وراي عرس
كنت اساعدها ماأقولها عروس وراي عرس لازم اكون مريحه والله حتى خالتي مررره كلمتها قالتلها شخبار فلانه
قالتلها بالمطبخ قالت حرررام عليك عررروس وبالمطبخ
قالتلها محد يساعدني
المهم تزوجت وسافرت مع زوجي وجلست كم سنه ونقلو اهلي بنفس المنطقه الي انا فيها
كانت تقول لازم تجين كل يوووم
وكل مايجونها حريم تدق علي تعالي ساعدني حريم بيجوني اغسل وجهي عندها توني قايمه من النوم
كنت بيتي اهمله ماأقدر على بيتين تنظيف هنا وهنا
مرت كم سنه ونقلو اهلي للديره صرت كل عيد اعيد عندهم واخلي زوجي مسكين يعيد لحاله بسبب العمل
حقه مايقدر ينزل للديره
جلست على هالموال تقريبا 7سنوات
الحين قلت خلاص زوجي ابعيد معه في الديره او في المنطقه الي ساكنيين فيها
وامي عاد بكيفها
العيد الي طاف جلست مع زوجي ماسافرت لاهلي زعلت امي مني قالت ليش ماتجين
قلت ظروف زوجي ماتسمح اجي قالت تعالي لحالك قلتلها ماأقدر قالت ماشبعتي من زوجك
قلتلها لاوالله ماشبعت منه
الحين لما اجيها تقول نظفي البيت قلتلها والله مأقدر على بيبتين هنا وهناك
خلي اختي الصغيره تساعدك انا ماعاد فيني حيل زعلت قالت انتي ماتبين تبرين فيني
قلتلها الي اقدر عليه اسويه تقولي ماعاد انتي مثل اول تقومين بالبيت كله
سكت وطنشتها
وسافرت لها يومين بس ابي اغير جو ماأخذت ملابس استقبال معي ودقت عليها خالتي قالت بنجيكم
كم يوم نغير جو قلتلها انا بسافر مع زوجي قالت عيب تسافرين وخاتك بتجي وزوجة ولدها معها تجي تسأل عنك
اقولها ايش قلتلها قوليلها في بيتها ومع زوجها زعلت وقالت ليش مافي إلا انتي متزوجه
قلتلها ايه مافي إلا انا متزوجه ....
ابي أسئلكم الحين انتم اذا رحتم عند اهلكم تقومون بالبيت كله تنظفونه ولا لاني تعبت من التنظيف
في بيتي واروح ابي اريح عندهم القى كرف ثاني علما اختي عمرها 12 سنه ماتقوم تسوي شي على الجوااال

وامي كذالك على الجوااال طول الوقت علما اشوووف حريم هنا ماشاءالله عليهم بنفس عمر امي وامي عمرها في ال 40 واستحي اقولها لازم تقومين تنظفين لابوي واخواني بيتك واجهتك انا لي بيتي واجهتي

ابي رايكم ابي نصايحكم؟؟؟



ثاني شي اذا بيجون ضيوف عند امهاتكم تخلون ازواجكم يسافرون لين يروحون من عندهم الضيوف وبعدين

يجون ياخذونكم ولا تسافرون مع ازواجكم؟؟؟؟


بنات والله محتاجه أرائكم مو تجون تهاوشون؟؟؟؟