فداء بذبحك انا:42:
انا ماعندي الا بنتين يهبلون الله يحفظهم
بالنسبه لزوجي اكذب عليك لواقول انه مايتمنى الولد بس مو متحمس مثلي انا اتمنى الله يرزقني بولد
حتى افرح زوجي حبيبي ولا انا امووت عالبنات واحسهم احلى من الاولاد:) فديتهم

انا عندي بنت وهي بالدنيا كلها وبدي كمان عشرة بنات هم البركه والخير وحتى اذا زوجي ماعجبه يطق راسه بالجدار...... امزح
والله هو عمروا مايقول لا بنت ولا ولد الي يجي من الله حياه الله
واذا بكم تجربتي انا كنت كل الخرابيط بطني مره طولي ومره عرضي الوحم مره حلو ومره حامض كان نفسي اتأكد من حالتي لكن ماعرفت غير لما سويت السونار وشفتها وخبرت أهل زوجي وطار عقلهم فيها لانها اول بنت في العيله وكلهم أولاد أخت زوجي تترجاني تقولي انتي أملنا في العيله شدي حيلك وجيبي الثانيه وأنا أتقل عليه .... شايفه حاي عليهم انا الوحيده الي عندي بنت

طيب على افتراض يا ميعاد والأخوات الحلوات ما يهونون


ان الوحم على المالح ولد والحالي بنت أوالعكس طيب انا متوحمة على مكدوس بنده حاااامض

وزيتون اسود حااااامض وش يصير الي يبي حامض ؟؟؟؟؟؟؟ ههههههه أحس يابنات الوحم على الأكل ماله دخل بالجنين !!!

قلتيلي ياميعاد عندك بنتين الله يحفظهم عشان كذا متحمسة للولد هذا شي رغماً عنا سبحان الله تحسين زوجك يبي ولد مهما حاول يخفي صح؟؟؟؟؟؟؟؟؟؟

azah ما شاء الله ست بنات باقي وحدة وتصكين كل أبواب جهنم بإذن الله سمعتي بالرؤية الي شافها أبو البنات من أنه كل ما جا يدخل من باب من أبواب النار لقى وحدة ترد عنه وعنده ست وأبواب النار سبعة يوم جا يدخل السابع مافيه أحد يرده وكان قبل ينام مهدد زوجته يطلقها لو كان الي ببطنها بنت وقام من الحلم مفزوع يقول يارب تكون بنت يبغاها تصك الباب السابع شاف الي محد شافه ههههههههههههه عرف قيمة البنات !!!

الله يطرح فيهم البركة أحنا قاعدين نتسلى مو شرط نخمن بس كذا ..

ميعاد أنا هددت زوجي مرة أمزح قلت له بما أن الطب أثبت أن تحديد جنس الجنين من الرجل ترا مابي عيال فاهم؟؟؟؟؟

وكأنه خاف قال: أصلاً مو بإرادته !!!!

خليهم يحسون شوي كخخخخخخخخخ

عاشوا جداتنا مظلومات يحسبون الجنس تتحكم فيه الزوجة خلينا ننتقم !!!

الله يرزق كل وحدةالي تتمناه يارب ..

السلام شلونكم بنات؟

ضحكتوني والله خصوصا انتي يا فداء الله يقومج بالسلامة و يقومنا كلنا و اللي في بطوننا على خير
هذي كلها خرابيط صدقوني من تجربه!

في بنتي الاولى الله يسلمها بطني طوالي مرة و مكور و كل اللي يشوفني يقول ولد و متنسيه على ورق عنب بالزيت حامض و مالح ! تخيلو كنت آكله بالهبل
سويت الخيط و الابرة طلع ولد
والله ان فلبينية تشتغل في محل ملابس أطفال ليما الحين أذكرها قالت لي ولد! قلت لها السونار يقول بنت! قالت ولد 100% و اذا ولدتي تعالي قولي لي و راح تشوفين اني صح
و كنت ثقيلة و سوددددددددددددددة رقبتي لون العباية الله لا يوريكم
و جبت بنتي( سارة) حبيبتي الله يفرحني فيها و بعدها بسنه رحت للفلبينية أبي أشوفها بس طلعت تاركة المحل من زمان :)

في بنتي الثانية بطني كان طوالي بعد و صغير و مكور و كنت خفيفة و حلوة
بياض و شعري يهبل طال و ناعم
رقبتي بيضا! و ما شاء الله أتحرك و ألعب مع بنتي و لا فيني ثقل الاول
و زدت 8 كيلو بس
والكل يقول ولد! خفيفة و بيضا و البطن طوالي ! انتي ولد 100%
و أسوي السونار و يقولون بنت 100% واضحة تماما
طبعا ما أكذب انصدمت ! مو لاني ما أبي البنت بس لاني الكل يقول ولد لغاية ما صدقت تماما انها ولد
وولدت و جبت بنتي الثانية (الزينة) الله يخليها

و في ولدي عبدالوهاب صرت ثقيلة و كسلانه و مالي خلق نفسي
كله نايمة و آكل كاكاو بالدرازن
أشتهي المالح بعد و خصوص السوشي :) شفتو الهبال
بس اشتهيت الحلا أكثر
و أمي الله يخليها خافت! تتمنالي الولد و شايفتني ثقيلة !
و بطني صار بخواصري عريض و ما بين الا بالسادس ! و شافوني الناس و قالو بنت
وولدت و جبت وهابي حبيبي الله يبلغني فيه

و هالمرة خلوها تعدي على خير و أسولف فيها بعدين لما أعرف شنو فيني!

فيا بنات طولتها عليكم بس كل هالكلام خرابيط مرابيط :) ما يضبط الا السونار و ممكن حتى السونار يكون غلط

تعبت من الكتابة :(

أدعولي بالهون و السلامة و يار ب يهون عليكم كلكم و كل اليهال نعمة و بركة