بس يقلب من بطنه لظهره , وديته الدكتور يقول لي طبيعي , سألته ببحتاج أشمسه قال لي الشمس ما بتقويه , انا عيالي كلهم كانوا رخوين كدا بس هذا احسه رخو اكثر منهم .
ما تعرفون شي

مدري ليش المنتدى ارسل كلامي قبل لأكمله؟
كنت بقول ما تعرفون اي شيء ممكن يساعده هلى انه يصير اقوى؟

السلام عليكم ورحمة الله وبركاته
كيفكم رفيقات حملي الثالث
ولدي صار له اسبوعين في الشهر السابع صار يقلب بسم الله على قلبه ومحاولات بسيطة جدا ًً للحبو باقي مايجلس بس جبت له الكنبة الصغيرة المربعة يستانس فيها ترك صدري وهو في خمس شهور بس انا جف صدري ومعد لقى فيني شي لاني طلعت حامل الحمد لله على كل حال
حملت ولادريت اني حامل الا في نهاية الشهر الثاني سبحان الله ماحسيت بغثيان ولادوخة ولاشي وفجأة حسيت بتعب وهدة حيل واني من أقل مجهود اتعب وكثرة روحة الحمام اكرمكم الله سويت تحليل وطلعت حامل سجدت لله شكر وحمدت ربي صح انه تعب علي ولاكنت مستعدة بس حكمة الله وقدرته فوق كل تدبير.
صار نوم ولدي افضل من اول صرت اعطيه سيريلاك الارز واحياناً شقفة خبز بس اتندم من ردة الفعل ههههههههههههههه بالذات لمن يشرق
اعطيته مرة بطاطس مهروس ومرة جزر واحط له عصير برتقال طبيعي عيشان الإمساك
تطعيماته الى الآن تمام خلصتها الين الشهر السادس
انتم اخباركم اشتقت لكم وانبسطت يوم شفت تجمعكم الله يحفظ لكم أطفالكم ويطمنا عن ابن تراتيل عاجلا غير آجل.

ام دانه الفف مبرووك والله يتمم لك على خير وتقومي بالسلامه يارب
انا نسيت اقصد تحاول تزحف على بطنها والا الحبو لسا ولا تشيلو هم كل طفل يختلف عن الثاني فيه اللي يشتد ويجلس على 7شهور وفيه اللي يطول على عشره شهور وغيرو اهم شي الصحه والعافيه.
طعمتها امس الحمدالله تطعيمه الست شهور ياه هم وانزاح ولله الحمد

ام دانة وداليا, الف مبروك والله يتمم لك على خير , الاحظ كثير من الامهات تتعب في الرضاعة لمن الطفل يصير 5 شهور و منهم طفلي والحين صار مايرضع الاحليب صناعي والحمد لله على كل حال.