بنات
جا زوجي عشان كدا مالحقت أحط لكم الصور

بس موعدنا على 5العصر بدخل احطها فخليكم موجودين

انا موجودة بوجهي مو رايحة مكان حتى لو رحت حروح اشوف اللبس الشتوي لتوامي

نونه
يادوباااااااا انا بصلي
واطلع
ادور لي لبس للملكه
كالعاده ياسعاده مافتكر الا في اللحظات الاخيره00000000000000000

وبعدين ارحمينا وحطي المفيد والواجب الي عندك احس انا مصخناها

ام البنات
ياقلبي انا حلمي اني ارفع راس مامتي وبابايا واخذ شهادة الدكتوراه ان شاء الله
وبصراحة ما اقدر اتنازل عن حلمي ابدا ابدا...وانا اقول ان الام لازم ما تنسى حالها ومستقبلها لأنه الاولاد مصيرهم حيروحوا ويكونوا حياتهم والزوج مو مضمون:o
وانا ياقلبي بطلت الشغل وصرت بين البيت والدراسة

نونة
تعرفي مشكلة الحبشيات عندنا ايش
انهم مو مضمونات يعني تجيك الوحدة تعلميها على سيستيم حياتك وتعتمدي عليها وبعدين ممكن بأي لحظة تقولك انا تعبانة او رايحة
وبصراحة ما بنفسي اعتمد على الشغالة خاصة في اولادي وطبيخي:cook:
لكن تعرفي ايش حاعمل
في الويك اند شكلي حاعمل صواني وعلى الفريزر حتى لو تكون نية لكن اجهزها والصبح اطبعها واوصي الشغالة تحطها بالفرن
لكن حاليا فرني خربان

بلورة
الف الحمد لله على سلامتك
والحمد لله انك انبستطي... والا كانت الطيحة راحت هدر:hahaha:

بلسومه بنت فيكس خخخخخخخخخخخخخخخ
ايش قصة مساج الفيكس؟؟؟ عشان يعني ما احد يقرب منه؟
اذا كدا من بكره اروح اشتري لي 5 كراتين وادهن زوجي من كل جهه
لكن اخاف تشبط فيه فلبينية او اندنوسية لأن هما اللي يحبو الفيكس:p

صوت
مقاضي اولادي للشتاء:
شرابات وهيلاهوبات
ابوات (للكبار طبعا)
بجايم داخلية اهم شي
ترينجات للبيت
بربتوزات وبجايم مخمل للنوم
طاقية وشال وقفازات
جاكيتات (للتوينز حاجيب الكامل)
بلوفرات صوف
فنايل ام رقبة
بلايز صوف او قطن ثقيلة
وبناطيل مشكلة وافورولات
وللطلعة او للمستشفى بس حجيب بدلتين مرتبات
وفيكس لعيون بلسومه:35:

ريفال
ياقلبي انا انسانة صعب اتنازل عن شي اولادي ومع ذلك تنازلت عن شغلي
لكن ما اقدر اتنازل عن شي ثاني راح احس انو مالي طموح ومالي هدف خاص فيني لوحدي في الحياة

شوق
ماشاء الله تبارك الله اللهم اجعله صيبا نافعا
احنا الجو عندنا مررررره روعة غيوم وبراااد لكن لسه مافيه مطر
الله يعيثنا
على فكره تعرفي انو انا بحياتي كلها ما جيت المدينة غير ساعتين كنا مسافرين من جدة للرياض ترانزيت واصريت على زوجي اروح الحرم اصلي ركعتين
ومن جد المدينة تشرح القلب سبحان الله تحسي بأمان وطمئنينة اكثر من مكة ما اعرف ليش يمكن عشان الهدوء ومنظر الجبال والجو

رقي
قلبي معاك ياقلبي
تبغين شي نسويه لك او نساعدك فيه
راح اشبك ماسنجر في جوالي اذا رجع بحاول اخوفه من رب العالمين يمكن ربي يهديه وما ينشر الصور
وحسبي الله وهو نعم الوكيل

دلوعة بالعكس برافوا عليكي انا اشجعك انا مااحب الي تتزوج تدفن طموها بالذات لو الضروف مساعداها لاكن انا اقصد تنازلي بعض الشغلات للشغالة الاولااد والطبخ وزوجك انا معاكي طبعا لا لاكن ممكن الاشغال التانية عليها وانتي تفرغي لدراستك واولادك وزوجك ويارب يشفي امك واوبوكي ونباركلك بالدكتوراة