صباح الخييير يا بنات شلونكم و شلون خدجنا الحلوين الله يحفظهم يا رب :) شنو اخر اخباركم ؟؟؟ طمنونا عنكم بالنسبة لنا الحمدالله على كل حال ولدي كان عنده موعد للعيون و قال يحتاج نظاره :44: و فصلت له وحده و تخلص بعد يومين الله يعين و شلون راح يرضى يلبسها :09: المهم مو هذا موضوعي الي مضيق صدري حيييل الموضوع يا بنات سمعت من وحده معارفنا عندها بنت و ولد الولد هو بكرها و الحمدالله كان مكمل شهوره لكن البنت كانت خدج بأول الثامن المهم انا ما كنت شايفه عيالها و يوم شفتهم حسيت انهم مو طبيعين ميه بالميه الولد لسانه ثقيل و نطقه بطيء شوي و تقول ولدي تاخر كثير بالمشي لدرجه شكيت فيه و هو الحين عمره 11 سنه لكن ماشاالله ممتاز بالدراسه اما البنت عمرها اربع سنين و للحين تلفظ الكلمات بطريقة البيبي اتمنى فهمتو قصدي و مشت عالسنه وتسع شهور لكن ما تقدر تصعد السلم بروحها لازم مساعده مع انها الحمدالله تمشي مضبوط لكن امها تقول لازم مساعده في صعود السلم و تقول ان ولدها شخصو الدكاتره انه معه فرط نشاط و ضعف تركيز مع اني ما شفت هالشغله في لكن هي تقول ودته بريطانيا و سووله فحص و عرفو هالشي و هي دايما بحمالها يصير فيها ضغط و بالبنت صار تسمم حمل و جابتها 900 جرام بسسس المهم جلست اتكلم معاها و قالت لي اشياء ضيقت صدري و ما قدرت انام من التفكيير لدرجه قمت اصيييح من كلامها :icon33:تقول انا مو دكتوره لكن خذيها مني الخديج عمره ما يصير طبيعي راح يتم خديج !!! قتلها بس كلام الدكاتره غير قالت ما عليج منهم صدقيني لازم راح يكون في خلل مستحييييييييل يصير طبيعي اما يصير في مرض فرط النشاط او ضعف تركيز او بطء تعلم و يحتاج مدارس خاصة و ياما ياما راح تشوفيين مع الخدج مشاكل :44: ماني عارفة كلامها صح و لا لأ صرت اكلم نفسي و ما في احد ما شاف ولدي ما سالته اتحس ولدي طبيعي و لا لأ؟؟ أغلب صديقاتي امهات و ماشاالله عيالهم مكملين شهورهم و يقولون لي شنو هالسؤال الغريب؟؟ ولدج طبيعي و ما في شي نفس الاطفال الطبيعين يمكن متاخر بالحبي لكن بالنسبة لعمره الولد طبيعي لا تخلينها تشكك فيه لكن انا مو قادرة اشيل كلامها من راسي وبس جالسه اراقب ولدي و اشوف هل هو طبيعي و لا لأ و المشكله انا ما مر علي اطفال من اول فما اعرف تصرفاته طبيعية و لا لأ بس كل الي اسألهم يقولون لي الولد طبيعي ما في شي انتوا اشرايكم بالكلام؟؟؟ هل سمعتوا فيه من أول؟؟ هل كلامها صحيح؟؟ و شلون اقدر اتطمن على ولدي ؟؟ و شلون اعرف اذا الولد طبيعي؟؟ لما اروح عند استشاري الخدج دايما اسأله شلون تحس ولدي و تطوراته و حركاته ؟؟ يقولي طبيعي بالنسبة لمولود ذكر بالمجتمع الكويتي لان عندنا الاولاد غير البنات ما يضحكون و يسولفون و يكون عندهم حركات يا بنات نفسيتي حييييل تعبانه و فكرت اقول لزوجي لكن اعرفه راح يقول انتي وسواس و كلام الناس بسرعة يأثر فييج و الولد ما في شي :44: شنو الحل لمشكلتي ؟؟؟
صباح الخييير يا بنات شلونكم و شلون خدجنا الحلوين الله يحفظهم يا رب :) شنو اخر اخباركم ؟؟؟ طمنونا...
تجيب سماعه موصله بالكمبيوتر وفيها موثرات ويطلع التخطيط وان شاء الله انها سليمه
وانا يوم بنتى كانت امى تقول جيبى قدر وطقى فيه ولاتشوفك اذا انتبهت سليمه
وكنت اسوي كذا وما تنتبه ورحت للدكتور وقعد اصيح وبعدين سوا لهافحص السمع وماطلعت تسمع وبعدين قال تخطيط الدماغ للسمع هو الى يبين كل شئ وطلعت سليمه بس انتباهها كان بطيئ