(حنين الشوق) :

وعليكم السلام ورحمة الله حبيبتي عقبال ما تجهزينها للجامعه بعدين تجهزينها عروس باذن الله.. زي ماقالوا لك الاخوات لون المريول السنه هذي اختياري حسب اخر تعميم وزاري صدر قبل الاجازه انه لعام 1435/1436 يكون اختياري يعني ممكن تلبسيها رمادي او زهري. لكن السنه القادمه اذا انتقلت لسنه ثاني بإذن الله بيكون الزامي اللون الزهري. الزي عباره عن قميص ابيض ومريول شيال رمادي او زهري . المواد مثل مافادتك وحده من الاخوات جزاها الله خير بخطة المواد للصف الاول  عندهم رياضيات بداية الاعداد التعرف عليها وكتابتها من 1الى10 وبعد كذا الى اعلى ثم الجمع والطرح. عندهم بعد لغتي : واستغرب من الاخوات اللي يقولون ع طول كلمات من قال كذا؟! نظاما منهج لغتي يشتمل ع 3 كتب   1_كتاب تمهيدي اولا تعويد الطالبه ع الامساك بالقلم ،تلوين، التمييز بين الاشياء ، تسمية الاشياء بمسمياتها . وهذا كتاب مستقل في خطة توزيع المنهج يخصص له اسبوعين كاملين. بعد كذا الكتاب الثاني وهو كتاب الطالبه فيه الحروف مقسمه لمجموعات كل مجموعه لها وحده مستقله عن الاخرى تعطى فيها الطالبه الاحرف بالبدايه منفرده في مواقعها المختلفه من الجمله حرف حرف وبعد كذا يتدرب الطالب ع كلمات ثلاثيه تشمل قدر الامكان احرف المجموعه ويكتب الكلمات متصله طبعا بعد التدرب ع كتابتها منفصله واتقانها وكل ما زاد عدد الاحرف اللي تاخذها الطالبه كل مازاد عدد الكلمات وعدد احرفها من ثلاثيه لرباعيه واكثر والكتاب الثالث لمادة لغتي هو كتاب النشاط وهو عباره عن تطبيق وتمارين ع كل وحده في كتاب الطالبه.. ايضا عندهم مادة العلوم وهي عن الطبيعه ، الفصول الاربعه ،الماده باشكالها جامده وسائله وغازيه.  يعني اشياء بسيطه جدا . ايضا التربيه الاسريه والفنيه اشياء بسيطه تتعلمها الطالبه وعادات وتصرفات تتدرب عليها مثل العنايه بنفسها ونظافتها النظام الترتيب الفنيه رسومات ومجسمات بسيطه اعمال بالصلصال وبالكرتون اشياء بسيطه وفيها مرونه. الفقه - التوحيد- عن الصلاة وتنمية وترسيخ التوحيد بنفوس الصغار بشكل مبسط. القران قصار السور فقط في البدايه .  ولا تخافي اهم شي تتابعي بنتك وتتواصلي مع مدرستها سواء معلماتها او المرشده الطلابيه او ادارة المدرسه والتواصل عن طريق متابعة السجل وملاحظات المعلمات والمرشده او الاتصال بالمرشده او معلمة الصف الاول بين فتره واخرى و حضور الاجتماعات لمجالس الامهات .. اخيرا اتمنى اكون افدتك لو بشئ بسيط واي استفساار انا تحت امرك ارسلي خاص اخاف ما ارجع للموضوع مره ثانيه  تحياتي لك ... 

وعليكم السلام ورحمة الله حبيبتي عقبال ما تجهزينها للجامعه بعدين تجهزينها عروس باذن الله.. زي...