الله يعينك يارب ويسهل امرك ويصلح ذريتكم

اول شي بحب انبهك انه اطفال بسن 8 سنوات و سن 10 سنوات لسه ما بيعرفوا ايا شي من العلاقات الجنسبة و يحبذ لو تأخري ايا كلام عن الموضوع لحين يكبروا شوي او يتعلموه بحصة البلوغ في المدرسة.
اما عن كيف تجاوبي بنتك عن معنا كلمة f ورلد, فقولي هي كلمة بذيئة معناها مسيء للانسان و الله لا يحب هالكلمة و لا اللي بيحكوها << على فكرة الامريكان لما بيقولوها ما بيعنوا بالمعنى الصريح الجنسي ليها انما فقط طريقة لاظهار الغضب زي ما بيقولوا العرب لكمة: كلب و لا التشبيه و هيك شي, فهي طريق لاظهار الغضب و نادرا ما بيقصدوا فيها المعنى الجنسي... ففيكي تقولي ليهم انه اذا انا جيت قلت الكلمة الفلانية "مثلا اهبل او كلب" الله بيزعل مني, و لما اقول الf ورلد رضه بيزعل مني.. لساننا لازم دائما يكون جميل.
و بالنسبة للحركة هي برضه طريقة لقهر الآخر و اظهار الغضب.. فيكي تمسكي ابنك و تفرجيه انه الحركات بالاصبع مسيئة و بتجرح مشاعر الآخرين و الله لا يحب من يعملها, و فيكي برضه تبيني كذا حركة اخرى (مثل حركة سبايرد مان و حركة hang loose ) انه معناهم الشيطان و اللي بيعملها بيحب الشيطان لذلك خليه يبعد عنها (اما حركة الاصبع اللي بالوسط هي نفسها كلمة f ولرد فلا تقولي شيطان يطلع عنده مفهوم خطأ بس قولي اذا عملتها كأنك قايل الf ورلد و الله بيزعل منك و بيحطك بالنار... لهون قفلي الموضوع و لا تشرحي المعنى الجنسي بتاتا لانه اساسا مش راح يفهموه و بالعكسب بتفتحي عيونهم المغمضة و بتزيدي فضولهم.

اما عن المدرسة اللي بيحصل فيها هالكلام و المدرسين ساكتين بقلك مدرسة اولادك مدرسة فاشلة ما فيها قوانين و لا رقابة!!!!!! و اذا بتسنح لك الفرصة تنقلي اولادك لمدرسة انظف ما تقصري.. لانه هالكلام و الحركات ممنوعة بالمدارس و يعاقب الطفل عليها. (خصوصا بمدارس الابتدائي, المدارس اللي اعلى درجات قولي عليها السلام, لهيك التنبيه و التفهيم انه خطأ بهالسن واجب علينا لحتى ما ينجرفوا بالسيول اللي راح يواجهوها بالميدل سكول او الهاي سكول)
موفقة و الله يعينك على تربيتهم.. بس نصيحة اخت لاختها: لا تغمضي عيون اولادك على الآخر لانه مصيرهم يفتحوها و ينصدموا و يندمجوا و يضيعوا, لكن كوني معاهم خطوة بخطوة تبيني لهم الخطأ من الصح ساعتها لا بينصدموا و لا بيروحوا من تحت سيطرتك..

ربي يساعدك..انا اقول حاولي قد ماتقدري...تفهمي عيالك انه عيب باسلوبك..بدون تعمق..
واهم شي بلين لانك اذا عصبتي وتضايقتي ومافهمتيهم
صدقيني بيرروح لغيرك..يفهمه ويشرح له ووممكن يتعمق مثل ماحصل مع البنت..لانهها باعتقادي..ماشبعت فضولها
اوهي عارفه المعني..بس ممكن تقول الماما بتكذب علي..
الامور هذي حساسه جدا ويبغى لها حزم ولين بنفس الوقت..
والله يكون معك..بالتوفيق اختي..

ماقصرتوا بنات الله يهدي اولادنا جميع .

توتا احس ان المدرسة هذي كويسة لكن ماادري ليش هذي السالفة بالذات منتشرة يعني عانيت منها للأثنين من اولادي مع اختلاف الجنس والسن.. الله يستر هو باقي بس هالسمستر ونرجع البلد والله يسهل علينا

بوادي الله يسهلها عليك والله احسك فاهمه وعقلانية ..باحاول اطبق نصيحتك.. انا يبغى ليي اتعلم ويبي ليي طولة بال .. بالي مرررة ضيق الله يعيني ويعطيني طولة البال

بوادي <<< انا بختلف معك في شغلة تخويف الطفل من الله.
واجب علينا انه نزرع حب الله و بنفس الوقت رهبته.
فاذا كان حب الله لن يردعهم عن عمل الخطأ و الوقوع في المعصية (سواء كان هلأ و لا بعد ما يكبروا) فالخوف من عقابه و رهبته هي اللي راح تردعهم.. لهيك الاثنين من رأيي لازم يكونوا مع بعض اغرسيهم في نفوس ابنائك بتلاقي بكره قبل ما يخطوا خطوة بيقولوا في انفسهم هل يا ترى اغضبت ربي و لا لأ و قبل ما يفرحوا فرحة بيشكروه و بيفرحوا من قلب لانه عارفين انه لولا محبة الله ليهم ما حصلت لهم....