أمه رافضتني. توتوه قلبتي على المواجع

:icon33: يا الله قلبتي على المواجع. فكرتيني بالماضي. واحد من قرايبنا كان يحبني من انا 14 سنه و هو 17 بس ما قال شئ لأنه كان تونا صغار و انا سافرت أمريكا مع أهلي و يوم صار عمري 18 و هو خلاص بيتخرج و بيخطبني سمع ان زوجي الحالي خطبني و هو يعرفه. خلاص لملم جراحه و سكت ما قال شئ طبعا. بعد 4 سنوات من الخطوبة انا و زوجي تركنا بعض. الولد ما صدق و راح سأل قرايبنا و أكدوا له الخبر. كلم أمي من السعودية و سألها عننا و لمح لها انه بيخطب. أمي تصير خالة أمه ترى و هو صريح معاها. الولد قالي انه بيخطبني و صارحني انه يحبني من انا صغيرة 8 سنوات الحين و هو ساكت و ما يبي غيري. انا قلت له اني توني طالعة من تجربة ابي أفكر و أستخير ربي. الولد علم أهله اللي هم قرايبنا و مرة حبايب معانا بس حنا في أمريكا و هم في الديرة. الصدمة ان أمه اللي هي بنت خالتي رفضتني و قالت ما تبي واحدة متربيه في أمريكا لأنها ما تطمئن لأخلاق بنات أمريكا و ما تبيني أسحب ولدها بعيد من عيونها مع أني كنت بروح اعيش معاه في الشرقيه لو ربي كتب نصيب,. و ما ناقشت في الموضوع أبد و قالت له يتزوج بنت أختها و لا عاد يتصل علينا. الولد ما قال شئ بش تم يحاول فيها و هي مو راضيه راح يصلي في المسجد و يطيح و يدخل المستشفي. في يوم كلمت أخته و كانت صديقتي بس كلمت أسلم و اعيدهم. أسلوبها مرة كان جاف و قالت لي ان أمها في السكر و انهم ما يبوني و انهم ما يعرفون شئ عن تربيتي. بس ما يبون أمريكا و اللي أتربت في امريكا. المهم انا أنسحبت بهدوء و يوم كلمنا الولد قلنا له ما في نصيب الولد كلم أمي و أبوي قال انا شاري و أجيكم أمريكا. اهلي قالوا لا, جاء الولد و كلم ابوي. أبوي قاله حنا أهل و ما نبي مشاكل مع العايله و بنتي ما ابي أزوجها لواحد أهله ما يبونها. انا للحين أستخير و ما أرتحت للموضوع و قلت له ما في نصيب. الولد رجع السعوديه و حالته حاله. أتصل علي يوم عيد ميلادي بعد 4 شهور من السالفة و ترك رساله انه يتمني لي الخير و انه كان وده اني الحين زوجته. بعدها ب ربع ساعة الولد يمشي مو منتبه للسيارات و تصقعه سياره ترميه من الناحيه الثانيه وتجي شاحنة تدوسه و تسحبه 25 متر يمكن. غيبوبة 3 شهور و بتر رجله من فوق و نزيف داخلي. الكلام من سنتين و الحين انا متملكه من خطيبي الاول و سمن على عسل. الأم الحين تقول انها هي السبب لأنها حرمته من الليحبها و انها من الحين ما راح تقوله لا ولا توقف في طريقه ابد. هو مرة حاقد عليها و الحين بيخطب واحدة مشلولة و راح كلم أهلها. يقول عشان أهله يعرفون انهم السبب و أنه الحين بيتزوج واحده معاقة مثله لأنهم رفضوني. امه الله يهديها لو أنها ما سوت مشاكل اصلا ما كان صار شئ لأني انا ما أرتحت للزواج لاني كنت مرة متعلقة بخطيبي (زوجي الحين) و اصلا لو في نصيب بيني و بين ولدها راح يصير برضاها ولا من غيره. كسر خاطري والله الحين هو يكلم امي و يوم ملكتي جلس أسبوع يصيح و ما يكلم أحد و الحين فيه أكتئاب. الأمهات الله يهديهم. يشهد الله و يعلم اني صح تربيت في أمريكا بس قسم بالله ليسي محتشم أكتر من بناتها و كل الناس تقول اني خلوقة و مودبة و انا أختي معروفات بطيب الأخلاق و التدين. بس الله يسامحهم. ما أدري ليش كتبت الموضوع, ابي افضفض بس من اللي فيني. يمكن موضوع الأخت توتوه قلب علي المواجع. شوفي أختي لو نصيبك بتأخديه و لو مو نصيبك ربي بيرسل لك أبرك منه.