أموت ألف مرة بسبب هالمشكلة .. الله يفرج على اللي بتفرج علي

السلام عليكم ورحمة الله وبركاته
مشكلتي اتعبتني كثيييييير وسببت لي احراج وعزلتني عن الناس والله
لدرجة صرت ماعاد اخذ راحتي الا مع نفسي ولحالي
حتى أهلي
مستعدة اعتمر واتصدق واقدم اي شي للي بتدلني او تساعدني على الحل
وأول شي ابيكم تعرفون وتفهمون اني والله العظيم نظيفة يارب لك الحمد
اتروش الحمدلله في اليوم احيانا مرتين وثلاثة انواع المزيلات والعطور وعطور الجسم كلها عندي
واتمنى وحده منكم تجي وتشوف بتستغرب من كثرتها
ومع هذا بس اعرق بشي بسيط تطلع ريحة عرق تكرّه الناس فيني وتبعدهم عني
وانا بنفسي اتضايق من نفسي
بتقولون لي هذي المزيلات هي السبب او هي مضره
جربت حتى الاشياء الطبيعية
مثل ليمون وشبة وبودرة ومسك وجربت خلطات كثيرة لريحة العرق وبالنهاية هي هي ما كأني حطيت شي
اشرب مشروبات مثل البردقوش وموية الورد وابتعدت عن البصل والبهارات والثوم وكل أكل يطلع بالجسم ريحة ونفس الحالة
والله ما أحسد أحد بس اذا شفت الناس قدامي وجالسين البنات جنب بعض اقول في نفسي ماشاءالله مافيهم ريحة ويجلسون لفترة طويلة بدون ريحة
واتمنى أكون مثلهم واغبطهم
شكلي مرتب ونظيف بس للأسف هالشي يخرب علي
واكثر من وظيفة رجعوني بسبب مشكلتي هذي والشي اللي يزعجني لا صرت اسمع تلميحات اللي حولي
ودي اقول لهم والله العظيم اني نظيفة والله العظيم تو متروشة والله العظيم حاطة مزيل بس ماني عارفة ايش المشكلة ؟
لما كنت بالكلية كانوا يتركوني صديقاتي لحالي ويروحون بحجة انهم يبون يشترون وهم اصلا اعرف انهم يبون يبعدون شوي عن ريحتي ومرة وحده ما انساها قالتها في وجهي مثل المزاح والله اني بكيييييييييييت لأني تعبت والله
العزايم ماعاد صرت اروح لها ولا اجتماعات البنات وهالشي اللي سبب لي احراج معهم
اهلي بعد نفس الحالة
بتقولون روحي للمستشفى
رحت مستوصف عطتني مضاد ومزيل ومرهم ولا فاد فيني
ورحت مستوصف ثاني تفلسفت علي الله يهديها وعطتني علاجات ولا فاد معي
وصلت لمرحلة اليأس مررررررة
ايش اسوي لمشكلتي ؟!! ايش اسوي في نفسي
فرجوا علي الله يفرج عليكم كربكم دنيا وآخره وادعولي تكفوووون
اموت الف مرة بسبب هالمشكلة