أمور تسهل وتسرع الولاده بإذن الله

السلام عليكم ورحمة الله وبركاته

أنا حامل بالشهر السابع ولادتي بتكون آخر شهر 8 أو بداية رمضان
وبصراحه هذا الموضوع مضايقني كثير..
لأنه حابه أصوم لو آخر رمضان وكمان أحضر العيد واجهز لأولادي ملابس العيد..
يعني جالسه أحلم:06:
والله يحقق أحلامنا يارب..

هذا ثالث طفل ماشاء الله تبارك الله..
مع اني كنت حريصه مااحمل خاصة شهر 12 حتي ماتكون الولاده برمضان بس قدر الله وماشاء فعل والحمدلله علي كل شي..
المهم.... :55:حسيت اني حكيت قصة حياتي:laugh2::
بولادتي الثانيه سويت العجب حتي أولد بداية الشهر التاسع..
والحمدلله ولدت ثالث يوم بالتاسع.. وكانت ولادتي احسن من الأولى بفضل ربي...
بس بصراحه تعبت كثير مع بنتي لاني ماأهتميت بوزنها وجات صغيره وتعبتني كثييييير...:09:

والمره هذي بكرر التجربه وان شاء الله تنفع وأقوم انا والنونو بالسلامه يارب
حاليا .. جالسه اهتم بوزن الجنين ماابغي يجي النونو وزنه صغير واتعب من جديد...
بقولكم ايش سويت....وإن شاء الله استفيد هذي المره كمان وانتم تستفيدو...



* بداية الشهر الثامن كنت امشي بس مو كثير يعني 10 دقايق أو أقل
طبعا كل التعب واللي كنت أسويه من آخر أسبوعين بالثامن...
بدأت أزيد بمدة المشي ولما أرجع للبيت أعبي البانيو ماء دافي جدا أقرب للحرارة المهم يتحمله الجسم...
وأجلس فيه قرابة النص ساعه من نص البطن يعني ماكنت انام علي ظهري..
*بعد مااطلع اشرب أعشاب دافيه طبعا الأعشاب انا متعوده عليها بصراحه من بداية حملي لاني كنت اتعب كثير من المعده وكنت اشرب أحيانا يانسون وأحيانا كمون ويانسون وكراويه....... كل يوم شي:tongue1:
*وكنت اشرب اناناس عصير فقط
** آخر أسبوع بالثامن بدأت بالمشي وبعدين الماء الدافي وبعدها اناناس شرائح علبه كامله باليوم أو أكثر...
*** وجماع وبعده ماء دافي أقرب للحراره حتي كنت اطلع وانا مدوخه من الماء..
كل هذا بنفس اليوم والأفضل وري بعض..
*** هذي المره بشتري الكره الرياضيه ممكن لها اسم ثاني قريت عنها كثير وسألت الدكتوره وقالت إنها تفتح الرحم بإذن الله...
فيه لها أكثر من رياضه والأفضل تجلسي عليها مع مباعدة الأرجل
وأيضاً توضع علي الظهر مقابل الجدار تثبتيها بالظهر وترفعيها بظهرك وتنزلي مع مباعدة الأرجل..
* كنت طول الاسبوع اذا كنت واقفه أميل خصري فقط لليمين واليسار :laugh2:

كأنه رقص بس مو أي رقص:icon30:
شفت دكتوره تتكلم عن كذا...
***هذي المره بستخدم الوصفه اللي انتشرت كثير انه تفتح الرحم وتؤخذ اول أسبوعين من التاسع بتوكل علي الله وباخذها اول يوم بالتاسع والتساهيل من رب العالمين...
**بقولكم ايش سويت بيوم ولادتي رحت مشيت مشي سريع بخطوات متباعده ورجعت للماء الأقرب للحاره أكثر من نص ساعه...
وصار جماع حطيت المخده تحت وجلست بعد الجماع أكثر من نص ساعه وانا مانزلت رجلي ولاشلت المخده ولاتحركت لأنه السائل المنوي معروف انه يفتح الرحم.....
وللامانه موضوع المخده وحده ذكرته للأسف مااتذكرها وقالت إنه يسبب ولاده...
الله يجزاها الخير يارب...
***رجعت أخذت حمام دافي وجلست أكل اناناس شرايح وفجأة حسيت بروح للحمام أعزكم الله...
وإلا مويا الطفل تنزل...
عرفت أنها ولاده ورحت غليت عشبة كف مريم وشربت منها واكلت عسل طبيعي..
وأخذت معي للمستشفى رطب وكنت أكل كل مايخف الطلق...
والحمدالله كانت ولاده سريعه وسهله...


انا حبيت افيدكم وانقل تجربتي والأشياء اللي عملتها كلها طبيعيه بس اللي مو مستعجله لاتأخذ ولاتسوي شيء إلا بعد ماتدخل التاسع...
وللمعلوميه المشي وطلوع الدرج والكره وجلسة القرفصاء تنزل الجنين للحوض..
أما الماء الدافي والجماع يفتح الرحم..
والاناناس يرطب عنق الرحم حتي يسهل ويفتح بسرعه..
طبعا جميع الفواكه الاستوائيه هذا كلام استشاريه بس انا اختصر عالاناناس..

وعشبة كف مريم والعسل والرطب تسرع الولاده وتسهلها بإذن الله....


الله يسعدكم ماأبغي أي غلط من أي عضوه اللي عجبها موضوعي تدعيلي أو ترفع الموضوع واللي ماعجبها لاتقرأ وتطلع تدور علي موضوع ثاني انا تعبت بكتابة الموضوع والله يشهد نيتي الخير للجميع وانا استفدت كثير منكم وان شاء الله قدرت افيدكم بتجربتي..


ادعولي بصلاح أولادي والله يحفظهم لي ويسهل ولادتي وولادة كل حامل..