السلام عليكم ورحمة الله وبركاته
تحيه عطره ابعثها لكم أخواتي بعالمنا الرائع ...
ففيهما فجاهد .. ياه كم تحمل هالكلمه من معان جميله .. لن أفسرها ولن أتطرق لها.
بل سأحكي عن تجربتي وعن علاقتي بأعز واغلي مخلوقين على وجه الأرض
عن من أسميتها مامي نور دنياي .. وبابي تاج راسي ..
اعترف إني مقصرة ومهما فعلت لن أوفيهم حقهم..
عندما كبرت وبديت افهم واعرف أتقن الشغل بدأت بداخلي نااااااار... ليش انا جالسه وأمي تشتغل ؟؟ لحد متى وهي تتعب وإحنا نجي على كل شي جاهز مجهز ؟؟وبديت ادخل معها المطبخ اطبخ ، واغسل الأواني اثنا الطبخ عشان ماتتراكم عليها.. دخلت المطبخ بعمر 12 سنه..
حتى إخواني يوم كانوا صغار كنت أساعدها فيهم.. كبروا إخواني وكنت اجمعهم عند نوم أمي ونتفق ننظف البيت ونرتب وتصحى أمي على نظافة البيت ومن أنفسنا بدون ماتقول تنبسط حيييييل...
هذا أول والحين غيرت سويت جدول بيني وبين أخواتي كل وحده تقوم بشغلها أما عن نفسي مستحيل اخلي أمي تلمس شي وأنا موجودة وكم حرمت نفسي من النووم ومن الأكل ومن كل شي بس عشان خاطر عيونها،،
وأصعب لحظه تمر علي يوم تكون تعبانه ياه الله لا يذوقهم تعب لا في الدنيا ولا في الاخره مااقدر على شي نفسيتي وحالي كل شي فيني يتضايق أتمنى اتعب أنا ولا هي وتتعب نفسيتي أكثر يوم أشوفها متضايقة يالله .. تدرون وش أسوي اتصل على الجيران وأجيبهم عندها مجرد مايدخلون الجيران ويسولفون معها تتغير أمي وهذي الساعة ارتاح .
أوقات تشوفني مشغولة بأوراق أو أشياء ثانيه تقوم بتنظيف عني ونجلس أنا وهي نحلف على بعض حتى توافق أنها ماتسوي شي وتجلس ..
صرت اعرف ايش أمي خاطرها فيه وأسويه بدون ماتدري وتتفاجى وتفرح كثير..
حتى انها تقول لي ماعاد باخليك تسافري وتتركيني صارت معتمده علي.. هو ماانكر تعب الشغل والمسئولية بس لعيون أمي كل شي يهون
واسأل الله إن يرزقهم بري ويرزقني رضاهم ..,,
مرات احتاج شي ويكون فيه نقاش بيني وبينها أهون عن حاجتي عشان مااناقشها..
أما أبوي الله يحفظه فيني طبع استحي منه مرررررررررررره ماادري ليه
الحمد لله اخدمه وماعمره زعل علي أو شاف مني شي ناقص.
وبحكم إن مافيه إلا هو يقضي مشاويرنا أحيانا أروح وارجع أروح وارجع عشان اطلبه يوديني أكمل أشغالي ماابي أتعبه وكم مره أخرت أشغالي عشان ماأتعبه وضميري يأنبني أخليه يقطع مشوار عشاني أقول راحته أهم من أشغالي.. وفعلا اترك أشغالي عشان راحت أبوي ..
أذكر مره كان عندي موعد للمستشفى وكنت صايمة ومشتهيه فطور جاهز مرينا عند المطعم وحن راجعين للبيت بس ماطلبت من أبوي يجيب لي فطور..
من أول ماطلعت من المستشفى حتى وصلنا عند المطعم وأنا أفكر اطلب مااطلبه وأخر شي قررت مااطلبه يكفي ان واقف معي بالمستشفى باقي أتعبه عشاني مشتهيه فطور...
والحمد لله إنهم راضين عني ويسعدني كلمة أمي تقول ماعمر شذا تعبتني بشي..
وأخيرا همسه،، للكل من له أب أو أم على قيد الحياة..
بروهم قبل ماتفقدونهم أو يموتوا وهم غاضبين عليكم
الشي الأهم مهما كان الأم أو الأب عصبين أو شديدين تقدرين بأسلوبك بتعاملك انك تمتصين غضبهم وعصبيتهم وما تسوين شي يزعلهم
أخيرا اسال الله أن يرزقنا رضا والدينا وان يحفظهم لنا ويطيل الله أعمارهم على طاعته
السلام عليكم ورحمة الله وبركاته
اختــــــــــكمــ .. الشذا الفواحــــ ..
الشذا الفواح @alshtha_alfoah
كبيرة محررات
يلزم عليك تسجيل الدخول أولًا لكتابة تعليق.
الشذا الفواح
•
استغفر الله واتوب اليه
ما شاء الله تبارك الرحمن والله اكثر من رووعة شذووو
فعلا الام تستاهل نفديها بعمرنا وما نوفيها
عسا ربى يطول بعمر والدتج وخليها لج حبيبتى
فعلا الام تستاهل نفديها بعمرنا وما نوفيها
عسا ربى يطول بعمر والدتج وخليها لج حبيبتى
اسألوا دمي ،، وسعادتي وهمي
اسألوا التوفيق
والكدر والضيق
اسألوا الطيب في صفاتي
والدعاء اللي في صلاتي
واسألوا شهودي
الدموع اللي في سجودي
اسألوهم ،، واسألوا دمي
عن غلا أمي
اسألوا التوفيق
والكدر والضيق
اسألوا الطيب في صفاتي
والدعاء اللي في صلاتي
واسألوا شهودي
الدموع اللي في سجودي
اسألوهم ،، واسألوا دمي
عن غلا أمي
حبيبتى شذووو والله دمعت عيونى وانا اقرا موضوعج
تذكرت الوالدة والوالد الله يحفظهم ويطول بعمرهم
تذكرت ايامى معاهم تذكرت حضن امى وطيبة ابوى تذكرت دموعهم بفرحى ودموعهم بحزنى تذكرت وتذكرت اااة يا شذووو
والله لو اكتب بصفحات المنتدى ما يكفى شوقى ولاهى عليهم
متى ترجع هذيك الايام واكحل عينى بشوفتهم يارب اجمعنى فيهم يارب
تذكرت الوالدة والوالد الله يحفظهم ويطول بعمرهم
تذكرت ايامى معاهم تذكرت حضن امى وطيبة ابوى تذكرت دموعهم بفرحى ودموعهم بحزنى تذكرت وتذكرت اااة يا شذووو
والله لو اكتب بصفحات المنتدى ما يكفى شوقى ولاهى عليهم
متى ترجع هذيك الايام واكحل عينى بشوفتهم يارب اجمعنى فيهم يارب
الصفحة الأخيرة