أمي الله يشفيها وقصتها مع الماء الأزرق بالعين ...اللي عندها خبرة تتفضل

خواتي بغيت اسالكم عن حالة امي الله يشفيها ويحفظها ويطول عمرها

بقول لكم قصتها

هي كانت تشتكي من صوت تقول مثل الطنين بالراس وبالاذن ويسبب لها صداع ويكون اغلب الوقت يضايقها كثير وما يخليها تنام
وهي تراجع في مستشفى العيون فقال لها الدكتور انها تحتاج عملية لان عيونها فيها ماء ازرق ويسبب لها ضغط في العين واستخارت وتوكلت على الله وسوت العملية
هالكلام كان قبل سنتين وطولت على ما التأم الجرح كثييير وعينها تالمها ظلت فترة طويلة كذا وتقول الطنين ماراح والصداع خف بس بنسبة يعني يجيها لكن اخف من اول
المهم بعدين بعد فترة صارت الرؤيا عندها من هذي العين ضبابية يعني مشوش تقول كانه في غمامة تغطي على عيونها و مع مراجعاتها قال الدكتور ان فيه ماء ابيض تكون في عينها ويسبب لها عدم وضوح الرؤيا
قالت طيب وش الحل قال لها تحتاجين عملية للماء الابيض بس هالعملية ممكن ترجع لك الماء الازرق وممكن تزيد الضغط على عيونك وهي يا بعدي ما ارتاحت من العملية الاولى ويبونها تسوي ثانية وتخرب الاولى بعد عاد الله يشفيها فديتها قالت شوفي يا بنيتي بالانترنت وش يقولون الخبراء واذا فيه احد يعرف ناس سووا هالعملية او مرت عليهم هالحالة تكفووون شوروا علي وساعدوني

وادعوا لامي بالشفاء والعافية