" :~: أمــــــــــــــــي :~:"
دعيني اقدمــ لــكــ باقــة ورد
و قبلة حب .. و اعتراف بالجميلــ
و بطول عمري .. اقبل يدك إحترامــا
لحنان أُمــ .. قد فاق كل الاقاويلــ
و بلهفة العشاق .. و بلاغة الشعراء
و بكلــ معاني الكلامــ الجميلــ
الملمــ كل حروفــ الشكر و العرفانــ
لأقولها لكــِ بصوتــ ذليلـــ
" :~: شكـــــراً :~: "
أشكرك .. و أعلم أني لا أوفـي بالجميلـ
وما ألفــ شُكر يكفيكــ
لكني أعرف أنك سترضي بالقليلــ
":~: شكرا يا أمــــــــي :~:"
أخواتي
كلنا أمهات الآن
وجربنا الأمومة
وشفنا كيف التعب فيها
حمل وولادة وسهر ورضاعة
وبكاء ومرض وهم وغم
ان مرض طفلنا ثار فينا حزن عظيم
ونظل نردد: ليتها فيني ولافيك
ان سقط الطفل
تسقط قلوبنا
ونتمنى لو والتقطانه في الهواء قبل ذلك
لحظة
مب أحنا اللي نحس بهالشيء أول مرة
ترى لنا أمهات
أمهات صبروا وتعبوا
وترى أيام زمان غير عن اليوم
زمان ماكان فيه رضاعات وهي ابسط شيء
أمي تحكيني وتقول
زمان ماكان فيه رضاعات
كنا ناخذ علبة الصلصة ( مثل علبة التونة حاليا)
ونحلب العنز ونطعم الطفل منها
بدون غليان بدون تعقيم
لاتقولون لا قرف
كانوا زمان ماعندهم شيء
والله تعب × تعب
ماتدرون كيف كانو يجيبون الماء من الوادي عشان يغسلون الطفل فيه
ماتدرون كيف كانو يسافرون من بيتهم لمكان بعيد عشان يعالجون طفلهم
ولاتدرون كيف كانو يغسلون ملابسكم
ماندري كيف تعبوا من أجلنا
لكن نسأل الله لهم الأجر والثواب
الله يجزاهم عنا خير الجزاء
الله يطول بأعمارهم على الخير والطاعة
ويرزقهم برنا
الله يرزقهم السعادة في الدنيا والآخرة
ويجعلهم من الصالحين الطيبين
اللي خلاني اكتب الموضوع
أمي
أمي أنا
أمي تعبت
لها سنة كاملة او اكثر والله وهي تعبانة مننا ومن أولادنا
اخواتي بكريات يولدون بالمستشفى وينفسون عندها
اللي تسافر تحط طفلها عندها
اللي تعبانة بالمستشفى ترسل اطفالها عندها
لاتقولون أم زوجك
ماعندنا ام زوج
ام زوجي تعبانة ولاتقدر على احد ثاني
وكذلك الحال لأخواتي
ولدت اختي ونفست عند امي
وبعدها بشهر تزوج اخي
وكان العشاء والاستقبال في بيت امي
وبعدها كان عندها نقل بيت جديد
وبعدها على طول ولدت اختي الثانية
طبعا كلها جات عليها وراء بعض
كل شهر يطلع لها شيء يشغلها
بعد ولادة اختي الثانية
رجع العريس وزوجته وكان عشاء استقبال لهم
وزيارات مدة اسبوع
وكل هذا في بيت امي
الله يطول بعمرها
وأبوي اللي تعب كثير
جات الاجازة
وكانت امي تبي تسافر بعيد عشان ترتاح
والله ماألومها
جاها زيارات من خارج المدينة
أعمامي واقاربي
وكان العشاء بيدها وفي بيتها
اقول لها ياأمي ليه ماتاخذون عشاء من براا
قالت : ابوكم يحب ياكل من يدي
ولاابي اكلف عليه
خلصت الزيارات
وبغت تروح مكة ترتاح كم يوم
وجات الاختبارات النهائية
جلست عشان اخواني
تذاكر لهم
وخلصت الامتحانات
وفرحت امي
وولدت اختي الصغيرة
ونفست عندها
وبعدها بخمسة عشر يوما ولدت انا
امي ياصابرة
الله يعطيك اعلى درجات الصابرين في الجنة
ادعو لها اخواتي تكفون
بعد ولادتي جلست فترة نفاس
وكشفت على ولدي ولقيت عنده اعاقة سمعية
وتعبت نفسيا
حتى امي
كانت تحبه بين اخواتي
يمكن عشان مرضه عطفت عليه
الله يسعد قلبك ياامي
كنت شايلة هم السماعات لانها غالية
لكن ابوي تكفل بها
الله يطول عمره على الخير والطاعة
ابوي يحب الخير للناس
ولايرد احد يطلبه
تركت ولدي وطلعت لبيتي بعيدا عنه 200 كيلو
تركته مع امي ولو اني عارفة انها تعبانة بس تحبه وتطمنت عليه معها
جلس عندهم ثلاثة اسابيع مراجعات بالمستشفى واخذ قياس سماعات الاذن
امي صابرة وساكتة
الله يعطيها ويعطي ابوي اعلى درجات الصابرين في الجنة
ادعوا لهم بابنات
والحين اخذت ولدي هذا الاسبوع عشان اختبارات اخواني
ولاودي اروح لهم لين ترتاح امي
ودقيت على اخواتي وجلست اترجاهم لايروحون على الاقل اسبوع
عشان ترتاح منا ومن عيالنا
عندي الاسبوع هذا زواج لاهل زوجي
ولاودي احط عيالي عند امي
احس اني طفشتها
مع انها تقول جيبيهم عندي عادي
بس احس انها تعبانة من الاطفال
تبي تجلس تبي تنام
ومع هذا
امي تكابر
ادري موضووعي طوووووووووووويل
بس والله اني جالسة افكر
امي صابرة وصابرة وساكتة
ابي ارد لها الجميل يابنات
ابي منكم تعطوني افكار فعلا ترد جميلها
وادري انكم ماتقصرون ابداً
انا مستعدة اعطيها اي شيء
بس ابي منكم افكار حلوة ترضيها
اتفقت مع اخواتي نشتري لها جوال ونعطيها هدية في حفلة مفاجأة
بس ابي شيء يرد الجميل
احس ان الجوال مايسوي شيء
فهمتوا قصدي؟؟؟؟؟؟؟؟؟؟؟
مدري
اللي فهمت مني ابي اهديها شيء له قيمة كبيرة في قلبها
ولاادري وش هو
اللي امها جنبها تسألها عن احلى هدية تتمناها الام
اتمنى يابعد قلبي كلكم ماتنسون تردون لي هنا
والله والله قلبي مثل الجمرة
احس ان امي تعبانة من عيالنا
ومع هذا تحبهم موووووووووووت
لدرجة انها تقول لي
جيبي الصغير عندي الاسبوع الجاي
وانا ماابي اتعبها
ياقلبي بس
بنات لاتنسونها وابوي من الدعاء
ان يرزقهم الله اعلى درجات الصابرين بالجنة
الله يمتعهم بالصحة والعافية
ويوسع عليهم بالدنيا
ويبسطهم ويفرح قلوبهم دايما
اتمنى منكم هالشيء بس يابنات عالم حواء
واللي تبوونه مني اطلبوه اطلبوا اي شيء
بس ادعو لهم
مافيه احلى من دعوة المسلم لاخيه بظهر الغيب
أم جودي وعبودي وبدوري