أمي باعت ذهبي دون علمي !!!!!

السلام عليكم ورحمة الله

طبعا الموضوع مبين من عنوانه ..
والقصه من أولها إني تاركه المجوهرات اللي ما أستخدمها كثير عند أهلي كأمانه لحد ما تجي مناسبه وآخذ اللي أبغي ... وأغلبها كانت هدايا زواجي وما جت على ذوقي أو أحجامها كبيره ما تنلبس كثير.. ما بعت اللي ما أعجبني للحين لأن أمي ترررررفض تقول خليها للحاجه وقبل فتره أصريت أبيع منها وإختارت كذا قطعه قالت لا تبيعينهم خليني ألبسهم.. المهم أخذت القطع اللي بغتهم..
وبعد فترة باعت الذهب اللي أخذته مني مع إنها قالت بلبسه ..
هذا ما راح أقول فيه شي لأنه يعتبر كهديه مني.....:26:

بس اللي فاجأني إنها أمس بايعه من ذهبي دووون علمي ولا عرفت إلا عن طريق إختي :(
مع العلم إنها ما كانت ناويه تخبرني لأنها هزأت إختي يوم قالت لي عن البيعه والفلوس صارت من نصيب أمي مع إن الذهب لي وإنباع دون علمي .. ولما طالبتها بالفلوس حتى أشتري بقيمتهم شي جديد رفضت :(:(

عطيتها اللي تبي منهم وخليتها تهدي من أطقمي كل هذا برضاي وأقول أمي ما يغلى عليها شي .. بس تبيع من ذهبي دون علمي :09:

ملاحظه....
أمي الحمد لله ما عليها ماديا .. ولا ناقصها شي .. وأنا ما أقصر معها مع إني ما ني موظفة ومعتمده ماديا على زوجي ومع ذلك أعطيها فلوس وما أقدم لا إلا الغالي... وأبوي وخواتي وإخواني ما يقصرون معها أبد... يعني مو محتاجه فلوس حتى تبيع ذهبي!!!!..


بنات أبغى أعرف رايكم بأمانه وش الحل مع أمي ..
مع العلم إن أمي حساسه وتزعل على أي شي مع إن الحق معي... والله ما قدرت أنام إلا ساعه من الصدمه:(