أمي تاخذ فلوسي

السلام عليكم ورحمة الله وبركاته 

كما في العنوان امي ما تصدق تجيني فلوس و تطلبها مني .. و الله يا بنات احيانا اقول ما تغلى عليها و عادي .. بس يا اخوات ما يصير كذا تدرون ان حافز ما شملني لاني طالبه و المكافئة ما اشوف منها و لا ريال بحجة انها هي اللي تحاسب السواق و تعطيني مصروف في اليوم خمسه ريال هذا اذا صار عندي دوام و اذا ما عندي و لا فلس 
يا بنات انى ابغى ارفه نفسي و اشتري و اكل و اجمع مثلي مثل باقي البنات .. 
تدرون اليوم جتنا بنت خالتها هي بسن امي و اهدت لامي قماش و انا لاني بنت اعطتني 500 ريال لانها ما تعرف ذوقي أول ما طلعوا قالت عطيني منها .. قلت محتاجتها أخواني ما يعطوني و لا يمشوني كل واحد لاهي بحياته قالت بنت خالتي ما عطتك الفلوس  عشان وجهك بس لانك بنتي .. ما قلت شي قمت و عطيتها الفلوس ..


بنات خففوا علي .. ابوي متوفي وما عندي أحد يصرف علي و الفلوس اللي  تجيني تاخذها مني و الله يا بنات يوجعني قلبي لمن اشوف الناس مرفهه حالها و يشترون كل ما تشتهيه نفسهم ... استغفر الله مو حسد بس انا بعد  اشتهي مثل ما غيري يشتهي بس استحي اطلب منها او من اخواني حتى لو طلبت ما يجيني .