مشكلة اخوك مو بعصبيته ولا باسلوبه

مشكلته في شكوكه بكره يوجهها لبنت الناس ويخرب حياته بسبب هالشكوك

لو تطلع عينها قال من تطالعين \

ولو ترفع السماعه قال من تكلمين


لازم اخوك يعالج نفسيا واجتماعيا ولما يتقوم سلوكه ويتغير اخطبو له

لو الزواج هو الحل كان ما فتحو العالم والاجانب عيادات نفسيه واجتماعيه !


وانتبهو من العقوبه لو زوجتوه

بكره تشوفونها ببناتكم

حاولو تزرعو فيه الثقة بنفسه
خلوه يحس بالمسؤولية وانو هو رجال البيت وانتم اخواته حاولو تتقربو منه واغمروه بالكلام الطيب والحنان
والله يهديه

أختي حبيبتي كلام البنات صحيح انتبهوا تزوجوه الحين لازم يتغير اول لانه إذا تزوج ممكن تصير مشاكل وينفصلوا أو ما قدروا يجيبوا عيال  لا سمح الله راح يكرهكم  أكثر واكثر ويعتبر هذا فشل آخر يضاف إلى الأمور السابقه . نصيحه قوي علاقتك مع أخوك أو شوفوا من اقرب شخص منكم له ممكن يتقبل منه ثانيا انتبهي تذكروا أخوكم بسوء أمام أبناء كم  ترا ما تعرفي يمكن أولادك وهم يلعبوا وانتي تتكلمي ذكرتي أخوك ممكن يقولوا له أمي قالت كذا عنك وخلي أولادك حلقت الوصل إذا ما قدرتي معه امدحيه قدامهم واذكروه بكل خير راح يوصلوا له الكلام ويتغير معكم وإذا كنتي عند اهلك وبتروحي السوق أو أي مكان ليش ما تطلبي من أخوك يوصلكم بيحس بالمسؤوليه شوي هذا بيسعده أكثر وإذا تريدي تشتري هديه لزوجك ممكن تعطي أخوك الفلوس وتطلبي منه يشتريها بس انتي حددي له شو نوع الهدية والباقي على ذوقه إذا تعرفي انه ذوقه حلو في هذه الأشياء وإذا ما كان ذوقه يعجبك حددي له شو تريدين بالضبط وبالمقابل جيبي له هديه .

شوفي انه مايبي يجلس عندكم لولا حاجته هذي مصيبة لانه في اللحظة اللي يعتمد فيها على نفسه بيترككم ولاتستغربون لومرت سنه وماشافكم..مشكلة اخوك الاساسية ثقة بنفسه ضعيفة وانتم لازم تقونها
انت اول شي عامليه كويس حتى لوتكلم عليك لاتنفعلين تكلمي معاه بهدوء .. تقربي منه كلميه عن مشاكل خاصة فيك بس ماتكون حساسه قولي له انك تبين تعرفين وجهة نظرة تناقشي معاه.. انا اقولك كذا عشان تتقربين منه ويحس انك مهتمه بكلامة وكمان يسمع اراء ثانيه تطور تفكيره..اهم شي لوسوى شي غلط سواء لك او لغيرك لاتعاتبينه او تكلمينه بوقتها اذا روق ناقشيه في الموضوع مثلا عن اختك روحي اساليها ليه تاخرت وبعدين تكلمي مع اخوك لازم يكون عنده حسن الظن ولابيتعب بحياته كثير
بس اهم شي لما تتكلمين معاه لايحس انك ضدة يعني كوني محايدة
من كلامك اتوقع اخوك بدون وظيفة .. ياحبيبتي بكل مرحلة من مراحل حياة الانسان له احتياجات واخوك بعمر بحاجة وظيفة عشان يستقر ويصير عنده ثقة بنفسه اكثر ..انا ما افضل يدور حكومي لكن لوتسون له مشروع صغير يستفيد منه ويحس انه يسوي شي..اتذكر دكتورة عندنا قالت اساس الشخصية السوية هي الدخل الخاص (الوظيفة)
في دورات وكتب تتكلم عن الثقة بالنفس كثير ناس تستفيد من كلامهم وانا منهم ..طبعا انا اتوقع لوقلتي له عنها بيرفضها ويعتبرها اهانه..لكن لو انت تشوفينها وتتكلمين عنها مع امك وهو موجود يعني يصير يسمعكم وكذا


حرام تكسبون ذنب البنت ..بيكون متسلط عليها اكثر من اخواتك وامك وفي حال انه فشل بزواجة لاسمح الله بيصير اسوء من قبل

انا اقول تستغفر وتسبح في كل وقت -تقريبا اخوي مثل كذا لكن امي طنشته حتى اذا طلع ماتكلمه -تعدل نوعا ما