أمي تتهمني بسرقة الأواني...شوروا علي وش أسوي

كيف الحال خواتي...ماأدري من وين أبدأ بس راح أدخل بالموضوع على طول...أمي الله يحفظها من النوع الصعب...يعني إلي تدقق على كل شي...وأنا كنت مقربة منها كثييير يعني قبل لا أتزوج كل مشاويرها علي...تروح السوق تروح لزيارة تروح مستشفى كله وياي...وبعد ماتزوجت الله يشهد إن ماتغير شي...بالعكس عشاان أرضيها أقعد في بيت أبوي أكثر من بيت زوجي...بس اهي ظل عندها احساس إن في شخص أخذني منها...وظلت بين كل فترة وفترة ليومكم هذا تخترع لها سالفة وتسوي منها مشكلة بيني وبين زوجي...وأمي دايما تعطيني باقي الغذا أو باقي العشا أو فطور في شهر رمضان أجيبه وياي البيت..المهم صار لها فترة متجمعة الأواني عندي لأني بطبعي أجمعهم وبين كل فترة والثانية أوديهم بيت أبوي..أمس بنتي كانت مريضة وجت أمي وأبوي يزورونا أنا وزوجي..المهم بنتي الله يشفيها قامت ترجع على أبوي...وأمي راحت المطبخ تدور على قطعة قماش تنظف بها المكان...وبعدين شفتها متغيرة..وإلا تقول لأبوي قوم خله نروح البيت خلاص أنا تعباانة...وأنا وزوجي مستغربين...وطول الليل وأنا أحااتي وش صااير...إلا اليوم تقول لي إنتي تسرقين مواعين وأواني وصحون من بيتنا وتودينهم بيتكم...تصوروا؟؟؟؟علما بأنني مو مقصرة معاها..نص راتبي أول كل شهر أعطيها إياه هدية...وجبت لها شغاالة بفلوسي...وزوجي ماشاءالله مو مقصر لا معاي ولا معاهم...قلت لها وش تقولي يما؟؟؟تقول أناااشفتهم بعيني في بيتكم وركبت السيارة وجت معاي البيت وطلعت الأواني مالهم...قلت لها انتي تعطيني فيهم أكل وأنا أجمعهم عشان أجيبهم مرة وحدة..وهي مو مقتنعة أبد....وأنا أصيييح واقول لها حرام يما تظلميني..تقول انتي مريضة ويبي لك علاج؟؟؟قلت لها من زود عزايمي وإلا طبخي..أنا حتى طبخ ماأعرف أطبخ وأكلنا كله جاهز...وبيتنا محد يجي إلا بالسنة مرة..يعني في شنو بحتاج هالموااعين؟؟ ولا كل صحن غير عن الثاني؟؟؟وكلهم كلهم 4 أو 5 دينار سعرهم وأنا إلي أعطيه أمي شهريا مع راتب الشغالة يوصل إلى 300 دينار شهريا..هذا غير إذا كان موسم عيد أو مناسبة غير أو عيدأم...ورجعتها البيت وأخذ بنتي وطلعت...لأني صرااحة ماأتحمل هالشي...أمي ظلمتني وجرحتني ومو عارفة شلون أتصرف معاها


من شوي اتصلت عليها كانت جاافة ويااااي كثييييييييييييييييير..وأنا صراحة طول اليوم ماسكة نفسي لا أصيح قدام زوجي لأنه إذا عرف ماراح يرضاها لا علي ولا عليه وبتصييير سااالفة وش كبرها


الله يخليكم ساعدوني