أمي تعبت معاها

بنات أمي و لا عمرها ادخلت في حياة خواتي المتزوجات.....إلا أنا ...تقولي سوي كذا و كذا ...البسي كذا ..حطي شعرك كذا ...و روحي مع زوجك ...تعالي هنا و روحي هنا.....سوي كذا ..ألبسي الحجاب بهذي الطريقة....طلعي شعر من ورا الحجاب....سوي استشوار ....المشكلة يا بنات أنا أدرس في معهد و ما أرجع بيتي إلا في الويكأند...وراي غسيل و تنظيف وزيارات الأهل(لازم أزور العائلتين و لا بيدء الكلام)....وفي نفس الوقت تعبانة جدا من الحمل و ما علمت حد لحد الحين بأني حامل . و صارت تدخلاتها تزعجني كثير ليش أنا الذات إلي تقولي أني ألبس و سوي هالأشياء...لا تقولولي تحبني..أمي لما تقولي هالكلام تحسسني أني زبالة بس والله ألبس زي ما يلبسوا خواتي و ما فيه حد من خواتي المتزوجات كشيخات...بس كلام أمي حصري علي أنا....بنات لما حد من خواتي لصغار الغير متزوجات يسوي استشوار تقولهم سوي الها(تقصد يسوولي زيهم).....لما وحدة بتتحنى تقول خلي أختك تتحنى و أنظارها تتجه حولي....لما يشتروا ملابس تقولي خذي هذا و البسيه.....لما أجي بيتهم تحقيق وين رحتي وين جيتي؟ زرت فلان و علان؟ و تقولي أني شاحبة و لبسي مو مرتب ...و تطلب مني أحط مكياج و بودرة لما أجي عندهم أو أطلع..أنا أحطي كحل و اشياء بسيطة...

و الله ثم و الله أني أحس بها لما تطالعني و دقق في شكلي و لما انتبه لها كأنها تقول في خاطرها شو هالوجه القبيح....لما أطلع من بيت أهلي مرات دموعي أربع أربع من معاملة أمي لي...و زوجي يحس بشي هذا...بنات و الله أمي بعيدة جدا عن الكشخة و اللبس الحلو ما الها علاقة بهشي...أمي من تصرفاتها معي خلتني شخصية انهزامية و ضعيفة...توصي خواتي أنهم ينصحوني أني أسوي الأشياء اللي تبغاها....رغم أني خواتي أولى أنهم تنصحهم..أمي تعيب على شكل عيوني و تقولي أن عيوني صغيرة......أمي تمدح بنات الغير و لا مرة مدحتني....و تقولي سوي كذا و كذا عشان ما طلعين علينا كلام بين الناس...سبحان الله أنا اللي في حالي على آخر الزمن بشوه سمعتهم من لبسي..


والله العظيم أني مو ميتة على الحياة الزوجية ....و إذا أنا عالة على زوجي مثل ما أمي تحسنني و هو ما يرغب فيني ما عندي مانع أني أفترق عنه رغم أني توي متزوجة من مدة قريبة ...س اريد إذا تطلقت لا سمح الله أني مو أعيش مع أمي