السلام عليكم ورحمة الله وبركاته
أنا دايم اقول معاملة امي لي غير عن اخواني 180 درجه
لدرجة احيانا اشك انها متبنيتني مو بنتها ؟؟!!!
تعبت من العيشة مع اهلي
كلن يعاملني أخس من الثاني ماعدا ابوي الله يحفظه ويطول بعمره
وآخرها اليوم مارحت الجامعة كنت تعبانه شوي
وانا عادتي اذا انام اقفل الباب
قمت الصبح مفزوعة على طق الباب وكأن احد يبي يكسره
ولو انه مفتوح دخلت وحرقتني
وتدعي علي تقول حسبي الله عليك حساب عسير جعل الله يزولك ويريحنا منك
وما خلت الفاظ ما قالتها لي ودعاوي من قوتها سديت اذني عشان ما اسمعها
وتقول لي أنتي والذئب واحد فيكم مكر بالليل تقولين بتروحين الجامعة عشان تاخذين مصروف
وللعلم هم مقصرين معاي بالمصروف وما يعطوني الا للجامعه يوم بيومه وانا دوامي يومين تخيلو
مصروف على طول مافيه واحنا ماتمشي لنا مكافئات من الجامعة
من الصبح وانا ابكي بحالة جنونية
واذا معورها قلبها على المصروف برجعه لهم
والله مصروف يفشل حتى مايكفي للاكل
انا مايمديني افطر الصبح بالبيت وانا معاي المعدة على طول تعبانة وخاصة اذا جعت
واضطر يا اني افطر بالجامعة أو اتغدى لاني اتأخر لين العصر
تعبت من الحياة معاهم
خصوصا المصروف اللي هو من ابسط حقوقي
وابوي مقتدر مو غني لكن الحمد لله حالنا ومستوانا المعيشي حلو لكن امي ماترضى
الملابس والعباية وباقي المستلزمات من عيد الى عيد
وانا بالجامعة احتاج لبس وتغيير تقول اللي عندك يكفيك
واحيانا اذا جمعت لي مبلغ بسيط اصرفه على الملابس او العباية او الشنطه او او
مع ان المفروض هالشي من مسئوليتهم والمبلغ يبقى لي
من سنتين اشتركت بجمعية مع الاهل كان المبلغ اللي ندفعه بسيط
وكنت حاطة في بالي اشتري اشياء اتمناها لان المبلغ حلو وداخله عن سهمين وعددنا كبير
اول مرة استلمت السهم كان بالاجازة الصيفية قالت لي امي خذي المبلغ واشتري فيه ملابس واغراض للجامعة !
قلت لها انا بشتري فيه اشياء ثانية
قالت هذا من تعب ابوك صح انتي اللي تدفعين لكن مجمعتهم من مصروفك اللي تاخذينه من ابوك !
واشتريت فيهم للجامعة وانا قلبي مكسور :(
والسهم الثاني غصبتني اشتري فيه ملابس العيد !
لهالدرجة انا مضايقتهم حتى بالمصروف ؟
واخواني كلهم كبار يشتغلون ماعندهم غيري وغير اخوي الصغير يصرفون عليه
وتخيلو بعيد الاضحى اخوي عطا امي 2000 ريال قال اذا ناقصهم شي 1000 لي و 1000 لاخوي
عطتني من الالف 100 !!!
وعطت اخوي منهم 500 يعني له 1500
وال400 شرت فيهم حلويات ومكسرات ومستلزمات العيد!
وغيره من الحركات اللي تسويها فيني
وممنوع ازور صديقاتي أو أطلع معاهم دايم محبوسة في البيت بالثلاث والاربع شهور
الاجازة الصيفية تمر بدون ولا طلعة
انا تعبت منهم وكلهم مايحبوني لاني دايم انتقد تصرفاتهم اللي ماتعجبني وماتعجب احد
من الصبح وانا ابكي على دعاوي امي دعاويها مو دعاوي ام على بنتها وهذي مو اول مرة دايم تدعي علي
كرهت الدراسة ايام اغيب وايام اروح غصب ومستواي قل من بعد ماكنت مجتهدة
لكن اللي بيطلع من البيت بدعوة ام (الله لا يوفقك) شلون بيكون حالها
تعبت تعبت ادعولي الله يكتب لي نصيبي بالزواج خارج ديرتي لان (فراقهم عيييييييد)
سامحوني طولت عليكم بالكلام لكن الله العالم بالحال لا صديقه ولا ونيس مالي غيركم افضفض له
يلزم عليك تسجيل الدخول أولًا لكتابة تعليق.
ام كرشه
•
الله يفرج عليك ويرزقك الزوج اللي يعوضك عن امك واهلك
وياقلبي ياما في اهل تستغربين قساوه قلبهم على عيالهم عادي حبيبتي
كثير امهات ماتعرف الرحمه قلوبهم لايخافون على عيالهم ولا يراعونهم ولاشي
الزم ماعليهم نفسهم وسعادتهم وبس
لاتهتمين فيه زيك بس البيوت اسرار
انتي بس ادعي ربك وكلمي ابوك قوليله عن تصرفاتها
وبعدين ليه ماتقولين لها عن طريقتها معك تكلمي معها سأليها ليه تعاملك كذا
وياقلبي ياما في اهل تستغربين قساوه قلبهم على عيالهم عادي حبيبتي
كثير امهات ماتعرف الرحمه قلوبهم لايخافون على عيالهم ولا يراعونهم ولاشي
الزم ماعليهم نفسهم وسعادتهم وبس
لاتهتمين فيه زيك بس البيوت اسرار
انتي بس ادعي ربك وكلمي ابوك قوليله عن تصرفاتها
وبعدين ليه ماتقولين لها عن طريقتها معك تكلمي معها سأليها ليه تعاملك كذا
انا عندي لك دعاء لازم يكون مع يقين انا صراحه نفع معي مع زوجي واهله
وهو دائما يكون على لسانك عند السجود واوقات استجابه الدعاء انا دائما اقوله في كل وفت حتي وانا بالمطبخ او بالسياره اي وقت يمكن يوافق باب مفتوح ويستجاب لك وهو(اللهم صخري ملائكه السماء وجنود الارض) اللهم صخر لي امي وابي واخوتي
الهم صخر لها امها واهلها واخوتها اللهم حنن قلب امها وابوها واخوتهاعليها امين
وهو دائما يكون على لسانك عند السجود واوقات استجابه الدعاء انا دائما اقوله في كل وفت حتي وانا بالمطبخ او بالسياره اي وقت يمكن يوافق باب مفتوح ويستجاب لك وهو(اللهم صخري ملائكه السماء وجنود الارض) اللهم صخر لي امي وابي واخوتي
الهم صخر لها امها واهلها واخوتها اللهم حنن قلب امها وابوها واخوتهاعليها امين
ام كرشه :
الله يفرج عليك ويرزقك الزوج اللي يعوضك عن امك واهلك وياقلبي ياما في اهل تستغربين قساوه قلبهم على عيالهم عادي حبيبتي كثير امهات ماتعرف الرحمه قلوبهم لايخافون على عيالهم ولا يراعونهم ولاشي الزم ماعليهم نفسهم وسعادتهم وبس لاتهتمين فيه زيك بس البيوت اسرار انتي بس ادعي ربك وكلمي ابوك قوليله عن تصرفاتها وبعدين ليه ماتقولين لها عن طريقتها معك تكلمي معها سأليها ليه تعاملك كذاالله يفرج عليك ويرزقك الزوج اللي يعوضك عن امك واهلك وياقلبي ياما في اهل تستغربين قساوه قلبهم على...
حبيبتي بقولك شئ الأم هياا لأم قلبها دائما طيب وحنون لكن احيانا يكون الطبع له دور وبعض الأمهات يفكرون ان هذه الطريقه تفيد علشان الأولأد ما تخرب تربيتهم انا معك ضد الدعاوي لأن ماندري نقول دعوي سيئه وتكون ابواب السماء مفتوحه وتقبل لأسمح الله علشان كذا ياعمري لأزم تثبتين لأمك وجميع عائللتك انك بنت قدها وقدود في الدراسه وفي البيت وتري احنا يا الأمهات نفكر باشيا ء ما تدرون عنها من خوفنا عليكم الله يحفظكم علشان كذا طرقت عليكي الباب بشده وتذكري كم بنت تتمني تكون عندها ام موجوده حتي لو تدوس في بطنها الليل والنهار ولأتربيها امراة اخري هل فهمتي قصدي :angry2: حفظك الله وراعاك وذريتي وجميع ذراري المسلمين
الصفحة الأخيرة
انتي ارضي ربك وماعليك من الدعاوي