أمي تكرهني

السلام عليكم
خواتي بجد بدي مساعدة، من وانا صغيرة امي تكرهني كانت تريد ولد لما حملت فيي و لما طلعت بنت تركتني عند أختها ٤ شهور و سافرت وانا صغيرة كان عند عندي اضطراب في الهرمونات لدرجة شعري اغلبه طاح و وزني يزيد طبعا هي ما سالت ولا اخدتني للدكتور ولا عملت شي، كانت تضحك علي لما ابكي و تدعلي علي على اتفه الاسباب و تضربي لدرجة انها كسرت يدي مرتين بسبب اخوي، تحب اختي الكبيرة واخواني اما انا لا الخدامة الي البيت، طبعا الموضوع عمل لي عقدة نفسية و كرهت نفسي و فكرت في الانتحار اكثر من مرة لدرجة اني رحت دكتورة نفسية و اخدت ادوية لسنتين فترة الثانوية....كبرت و الوالد سمحلي اترك البيت و اسافر خوف على نفسيتي و صحتي ومن تعامل امي معي و فعلا تركت البيت و سافرت دبي للشغل والحمد لله حصلت شغل رائع و جمعت مبلغ و استأجرت بيت كبير، اختي الكبيرة امتنعت عن الزواج و سافرت لدبي تساعدني اعالج مشكلة الهرمونات قالو لي الدكاترة هلا صعب تتعالجين ليش ماحد كشف عليكي و انتي صغيرة؟ طبعا هالشي خلاني اكره امي بدرجة رهيبة لكن مع الوقت حاولت اسامح و ياست من الزواج و قلت خلاص الحمد لله شغلي مرتاحة فيه الله يسامحها دمرت حياتي، كل عيد ميلاد او عيد ام اشتريلها ذهب و اعطيها بيزات تغير اثاث بيتها غير المبلغ الي اطرشلها كل شهر لكن اي مشكلة تصير تنكر كل شي وتقول انتي بحياتك ما جبتيلي شي...والدي توفى السنة الماضية و امي اجت تعيش عندنا فترة، طبعا انا كنت اطلعها كل يوم و اعطيها بيزات و اطلب اكل و ادلعها، قبل شهر ضيعت مبلغ من شنطتها و قعدت تصارخ فيي و هددتني بالشرطة وقالت والله بحبسك اذا ما رديتيلي بيزاتي طبعا هي ماكلمت اختي انا فقط الي تصارخ وتدعي علي...طبعا انا اعطيتها ومن شهر لليوم وهي محاربتني لا ترد على سلام ولا اي شي، اليوم بتسافر وبترد بيتها وانا احاول اكلمها لكن مافي فايدة، بفكر كتير اني اقاطعها و اطلعها من حياتي نهائيا لانها دمرتها من استهتارها و عدم المسؤولية و كرها لي.