عزيزتي وضعك صعب الله يفرجها لك
عليك بالدعاء وأنا بادعي لك
الوحدة تحس انها مضغوطة لأنها ماتبغا لأمها الكلام ولا تبغا أحد يتذمر منها
ممكن تسجلين أمك بدار تحفيظ مع بنتك تتسلى وتنشغل هي ذابحها الفراغ

ومافيها أي مشكلة لما تقولين لها ياأمي بطلي مقارنات تراك بتخربين بيتي خليها تنتبه لكلامها
ولعلمك أحق الناس بالسمع والطاعة هو زوجك بعدين أمك

.

حركات امك عادية كل الكبار كدا .. اتحمليها بالعكس الا وسايريها مثلا هااااا يا امي ان شاء الله ظبط البهار هادي المرة ايش رأيك المرة الجاية انتي تحطيه وهكذا.. ما انتي عارفة تسمعي البرنامج حطيلها شي تفهمه واللا انتي تتفرجي وهيا مو فاهمة شي وتسكت .. واللا سكي التلفزيون واتكلمي معاها وزوجك وصيه على امك وهوا لمن يشوف برك لامك حتكبري فعينه.. واهل زوجك ماعليكي منهم ..بالله عليكي اتحمليها ما ندري بكرة في الكبر ايش نسوي الله يجعلنا من البارين ويجعل عيالنا بارين بنا

كنتي بيوم طفله ونفس تصرفاتها واشد بعد تسألين تطلبين تبكين تزعلين
يوم كبرت بالعمر صارت زي الطفل .. جا دورك تردين ولو جزء من حقوقها عليك