أمي سبب شقائي ..

السلام عليكم و رحمة الله و بركاته ..

نعم أمي سبب شقائي .. :44:

بقولكم القصة من أولها ..

من أربع سنين .. توفى أغلى إنسان في حياتي أبويه الله يرحمه ..

ما كنت متخيله فراق الأب كيف ؟؟؟ كنت أسمع من صديقاتي اللي توفوا أبهاتهم و أقول يبالغون ..

ما كنت أدري إنه فراق الأب عذاب ما ينتهي .. و جرح ما يندمل ..

تسإلوني .. وين المشكله ... :confused-

مشكلتي إني كنت أقرب وحده لأبويه .. و كنت دايما أطلعه وياي بعد ما مرض ..

كننا نسير و نيلس على البحر .. و نسولف ..
و نفس الكلام .. كان يقول للناس بإني أنا غير عنده ..
و ما كنت أرفض له أي طلب ..
يعني كنت أكثر وحده قريبه من الوالد .. و هذا الشي أثر علي .. بعد وفاته طبعا.. :confused:

قبل ما يتوفى بيوم كان يتعطر من عطر أنا اشتريته له .. و كان فرحان وايد فيه ..
قبل ما يتوفى بيوم كننا طالعين نتعشى على البحر.. و كان مستانس ..
ما يتوفى بيوم سمعني أنا و أختي كلمة أنا راضي عليكم ...


كأنك يا بويه متوفي اليوم .. والله العظيم ولهانه عليه وايد .. و خاطري أشوفه و لو في الحلم ..

بس لين ألحين و أنا حاسه بالذنب على أشياء أنا قصرت فيها.. و أتمنى لو يرجع لي .. أبوس ريله .. و أشله من على الأرض ..

والله نعمه .. ما حسيت فيها إلا بعد ما فقدته ..

مشكلتي ياناس .. مع أمي ..

تعيشني في نفس الجو ..

نسيت أذكر إني متزوجه من سنه تقريبا .. و حزنت أمي وايد على فراقي ..

و كان ودها إني حتى ما أتزوج .. عشان ما تفارقني .. :(

ألحين أنا مستقرة مع زوجي .. والحمد لله حياتي مستقرة ..

كل ما أسير إلها البيت و أزورها .. تعاملني غير عن باقي خواتي .. كأني ضيفه عندها .. :(

حتى العصير تسويلي .. و تدور راحتي .. و حتى يوم أرقد تسكت الكل .. عشان ما يزعجوني ..

يعني توفر لي كل سبل الراحه ..

تفرح يوم تشوفني دخلت البيت .. و تزعل يوم تشوفني بروح..

تحاول دايما إنها تسويلي الشي اللي أبغيه .. ساعات تطبخ لي .. وتقول لخواتي .. كنت أتوقع إنها بتي اليوم .. :(

من ناحيتي ..

ما أخليها تحتاج شي .. و دايما أسألها إذا تبغيني أطلعها أو أوديها مكان .. و ساعات أطلعها بدون ما تسألني .. و ما أخليها تحتاج شي .. والله العظيم هيه غاليه عندي .. و يعلم الله إني أحاول ما أغضبها ..

لكن المشكله .. أنا تعبانه نفسيا من هذي المعاملة .. بتقولون لازم تفرحين .. و أنا أقولكم لا .. ما يفرحني هالشي .. لأنها كاسره خاطري و أحس إنها تفتقدني وايد يوم أسير بيت زوجي... :44:

مشكلتي إني أشتغل و أدرس في الجامعة في نفس الوقت .. وقتي ضيق .. حتى زوجي ما أشوفه إلا على وجبة العشاء ...

خايفه من فراقها .. (((يعل يومي قبل يومها))).. الله يطول في عمرها و يعطيها العافيه ..
حتى أختي مرة قالت لي هيه ترتاح وياج أكثر .. و دايما تنتظرج .. :44:

لكن أنا ما يريحني هالشي .. أنا اللي لازم أبرها .. ربتني و كبرتني .. و ما قصرت في شي .. الله يعلم ..

والمفروض إني أنا اللي أرد الجميل إلها .. و أشلها على كفوف الراحه .. مب هيه اللي تشلني ..

يا جماعه ما عندي حد أغلى عنها في الدنيا .. لكن .. اللي تسويه ما يخليني أفرح .. يخليني أحزن ..

هيه تحزن على فراقي .. و أنا أحزن على فراقها ..

كل ما أطلع من البيت دمعتي على خدي ..

خبروني .. شو أسوي ؟؟؟؟ :( أنا تعبانه وايد ....