أمي صغرتني بعين زوجي تعالو اقولكم وش سوت وعلموني وش اسوي؟

اهلين ياحلوات فاتكم امي سوت لي موقف ماله داعي مع زوجي مو من عوايدها تسوي هالحركات تعالو اعلمكم القصه
القصه ياطويلات العمر ان عندنا مناسبه وحايسين بالتفصيل والخياط ورايحين لهالمشغل وراجعين المهم طلع فستاني وقالت امي عدلي فيه لانه عاري مره وهو مو مره بس هي تحس اني متعنيه وابي هالخرابيط
عدلو فيه المشغل وطلعته وطله بعد عاري بس مو مره واتفقت انا واختي اني راح ارجعه عشان تعدل فيه
جت امي وشافته وبدت تصارخ علي وتهاوشني وتدعي علي وتقول والله ما تطبين العرس مع العلم(اني متزوجه ولي سنتين بس هي مزوجتني صغيره ومو مصدقه اني خارج سيطرته ومازالت تعدني طفله وما اعرف اتصرف) وقالت زوجك راضي قلت ايه وعاد طلعت قرونه :30: ههههههههههههههه ياحبيله
المهم طلعت من عندي الا راحت لغرفتها وقفلت على نفسه وجيت قلت اكيد بتنام وكانت تكلم وتقول تخبر هالبنات المهم الا هنا ما شكيت بشي
جا زوجي ورحت للبيتوهو قابيل لي قبل لا يجيبني لا تفكرين اني برجع للمشغل ثانيه عشان بعيد الا الاخ عادي ويقول شخبار فستانك قلت يبيله تصليح معليش قال لا عادي ولا يهمك
المهم رجعنا البيت وكان فيه نوووم وانا متابعه المسلسل واصر ما ينام الا يشوفه مع انه ما يهمه الخراييط وقلت بكره انشاء الله قال طيب هو وشلون خيوط(انا انهبلت وش عرفه بشي اسمه خيوط)شكيت بالموضوع قلت معليش اشوف جوالك قال عادي وادور بالمكالمات المستلمه رقم امي الا مافيه ممسوح طبعا تعليمات المديره

قلت له بصراحه امي دقت عليك انقلب وجهه وانا اعرفه اذا كذب وبدى يضحك قلت كلمتك قال لا قلت احلف وعياااااااا
رحت دقيت على امي وانكرت بعد اتذكرت ان اخوي الصغير كان معها بالغرفه رحت دقيت وسالته وانكر طبعا تعليمات المديره وحلفته وقال ايه بس قالت له سلم لي على امك(يعني انها دقت عليه وقالت له هاوشها على فستانها)انا جلست اصيح من القهر اولا لان زوجي توه بادي يحس اني بديت انضج الا تتدخل امي بحياتي وتخرب كل شي وتقويه علي وتصغرني بعينه وتخليه لو بقول اي شي بيقول انك ما تعرفين شي امك تقول انا مقهوره ولا اقدر اهاوش امي تعرفون اخاف يكون عقوق والله اني اموت بامي واحيانا لو اقعد يومين عنها احس اني بموت
تكفون وش اسوي انا ارسلت لها رساله وانكرت ولا كلمتها اليوم وش اسوي