أمي عقدة حياتي...

مساء الخير..انا بس بقول لكم شى بقلبي قاهرنى ومسود الدنيا بعيونى...زي ماشفتوا العنوان امي الى المفروض تكون اقرب الناس واحن الناس ..للاسف امى بينى وبينها اربعين سنه اواكثر...فرق السن مو بسيط ابداا..للاسف علاقتى فيها زي علاقتى بمرت ابوى بجارتنا بااي واحده من الجماعه..احسها غريبه عني ..هذا طبعا بعد ماكبرت وتزوجت ..اما قبل فااهي عقدة حياتى والم يومي ..عمري ماحسيت منها بتلطف او حنان ..ولابعيونها تودد او اهتمام..كل الي اعرفها منها هوا العيب والحرام والناس وكلامهم ...اى امر مهما كان صغير او خطأ تافه منى تكبرها كبر الدنيا ...وتصير تذكرنى فيه سنه...تخيلوا تميت 18 سنه واهى تعايرنى انى سكرت عليها الحمام وانا عمرى ثلاث سنين..تقول انى عاقه من كنت صغيره...طبعا ماقصرت خلت ثقتى بنفسي زيرو..واى شئ اخاف منه..زوجتنى بعمر14من واحد مطلق مرتين ومتزوج وعنده ولد وبنت..تطلقت منه وانا عمرى 16 ومعي بنت..امى باا8تصار عقدة حياتى...الحين اهى كبرت وعمرها بالسبعين...وانا ثلاثين سنه...ازورها كل يوم بعد المغرب اتطمن على صحتها..وطبعا اروح بحال وارجع بحال..اروح وانا ودى اجلس واسولف وامزح ..لكن طول القعده بس ياتستهزئ فينى وبعيالى والا تقارنى بااى بنت من جماعتنا تطري عليها..انا اروح غصبن عنى والله خوفا من الله ومن عقوقها ...ماتخلي عرسن ماتروح له مع مرت ولدها وهاتك ياسوالف وضحك ومزح ..والله العظيم رب العرش العظيم يابنات انها انسانه مع الناس ومعاى انسانه ثانيه...تروح معاها العزايم..ويم غدا اهلها بالعيد...احسها اهى بنتها وانا لا..لاتقولون بمكن طيبه ومن هالكلام لاتعاملها معاها عادى..بس اهى تقولى انا اسوي كذا علشان ماتشين نفسهم علي..والله يابنات لها بيت وخير... اااه والله انى يتيمه واهى عايشه رحت منها ماعلمتنى كاسة الشاي شلون يسوونها..كل شى عن امور الحريم ماتكلمت معي فيه طول حياتى ..لاعن زوج ولاعن بيت ولاعن حاجات خاصه بين الزوجه وزوجها..الى اغلب الحريم او كلهم يوصون بناتهم بهالاشياء..انا دايما اسال واتهم نفسي انى السبب...بس قسما بالله ماقصرت بشى..لما تمرض ابيع من ذهبي واعطيها تروح لمستشفى خاص..وعيالها وعيالهم كلهم موظفين...طبعا انا مالى اخوان اشقاء يعنى وحيده لااخ ولااخت فيهم خير...الخلاصه الى عندها ام بمعنى الكلمه امانه عليك صيري تحت رجولها ولاتفوتين لحظه من غير ماتكونين جنبها..لان غيرك مو محصل هالشى..انا ثلاثين سنه وانا كل شى يصير معاى سوا زين او شين اعيشه لحالى لااحد يضحك لفرحى ولاعينه تدمع لحزنى...اشياء كثيره يطول شرحهها ..وبس اقولكم للي بتقول عن بر الوالدين ومن هالكلام انا الحمدلله لو امى تقص راسي فداها وبزورها كل يوم واتطمن عليها لو اتضايق مو مهم ..بس الى اقوله لكم احساس قاتلنى لانى اشوف الامهات مو مثل امى ابداا...بااختصار مو كل من ولدت صارت ام..نصيحه ربوا بناتكم على الحب صيري لها صديقه بدل مايجي يوم وتصير مثل حالتى..شكرا واسفه على الاطاله