أمي غاضبه عليا وأنا ندمانه و مجروحه

حبيباتي

أنا تزوجت من كم سنه فاتت

طبعا تصورت صور كثيره كان منها صوره ليا ولزوجي كنا حاضنين بعض وكان شكلي مو عاجبني بها الصوره قررت أرميها
أمي رفضت وقالت خليها عندي وأوعدك ما أوريها أحد..
أنا وافقت....

بعد كم سنه أمي صارت تطلع الصوره أخواتي يتفرجون ويضحكون...

قلت لأمي عطينياها..وبعطيك صور أحلى منها قالت أمي لا أوعدك ماأوريها أحد

أنا ما وثقت فيها لأني عارفه أمي بتوريهم فحاولت أترجاها أخذها رفضت

المهم الخطأ إلي سويته إني رحت غرفتها وحاولت أخذها من غير ماتدري...

راحت شافتني وزعلت ورمت كل الصور بوجهي وزعلت علي من قلب وإرتفع الضغط عندها

أنا تندمت وتأسفت وجبت لها هديه وإعتذرت


بس أمي مر عالموضوع سنه وباقي تذكر تقول إنها زعلت علي وتقول لأخواتي إنها باقي زعلانه مني

وإنها مستحيل تنسى

والله يابنات إني ما توقعت الموضوع كبير لها الدرجه عندها وكنت متوقعتها مجرد صوره وأنا ما أحب التعليقات البايخه لما أحد يشوف الصوره........

وأساسا أكبر سبب..

زوجي قالي جيبيها لأنا حاضنين بعض وهذي الصوره شخصيه المفروض ماتكون إلا بيبيتنا..
وقلت لأمي هالكلام بس ماتفهمت...

أنا مستغربه لأن أمي عمرها ماكانت حريصه لهذي الدرجه...

بنات أنا أهلي تعبانه منهم كلهم
دايما يفهموني غلط...دايما حاسيني كريهه..أو متكبره...
والله أحبهم وأخاف عليهم بس أنجرح من نضرتهم ليا.............
مرات أقول مو معقوله أكيد في شيئ غلط

بنات أنا زوجي علاقتي فيه رائعه أهل زوجي عاديني أختهم..
أم زوجي والله إنها تقولي إني أغلى وحده من زوجات عيالها على قلبها وأنا بعد أحبها

عندي صدقات حلوه وعلاقاتي مع الناس مره حلوه.......

نفسي تكون علاقتي بأهلي طبيعيه

هم يحسوني متكبره ولئيمه ...بس أنا والله ماني كذا وأطيب من ضنونهم فيا

دايما أجيب لأمي هدايا وعمري مارفعت صوتي عليها أو على أبوي بس إذا ماعجبتني شغله أقولهم لا ما أحب كذا
بس هم يعتبرون هذا تمرد...


ممكن أسلوبي غلط
ملامح وجهي توحي بأني ما أحترمهم ما أدري؟؟؟؟؟؟؟؟؟؟

بنات والله أكتب لكم وأنا أبكي تذكرت مواقف كنت دايما أنظلم فيها بسؤ الظن